غيظ الصبايا
 

ياذيب من حبه شربت البهاذيل=من يوم سوى بي هذيك السوايا
ماهو بجرح الا جروح وغرابيل=واليوم باقي من جروحه بقايا
مدري علامي كل مايظلم الليل=زارتني همومي جيوش وسرايا
ياما سهرت اسامر الجدي وسهيل=واجر وناتن بقلبي خفايا
اشكي غرام ام الرموش المظاليل=اللي موردني حياض المنايا
المهره اللي قلبي الها مداهيل=عطيتها عمري وروحي هدايا
طلع غلاها لي خدعه وتمثيل=في حبها يارب تجبر عزايا
عسى العوض لي فالليال المقابيل=باللي على ايديها دواي وشفايا
وتحبني وتموت فيني وبالحيل=تعزني على جميع البرايا
وازيدها عشق ومحبه وتدليل=واحطها فالقلب بين الحنايا
واكتب بها شعري واقوله مواويل=حتى يموتن غيظ كل الصبايا

تكتب شعرًا يا عبد الرحمن ولم يمكن أن تغيض به الصبايا
لأن القصيدة أنثى والقافية مؤنثة والبيت مؤنث ايضا
أبيات رائعة

حييت يا عبد الرحمن

لله أنت يا عبدالرحمن

من شجن النوازع تجدل بالقصيد ألف لحنٍ ولحن

رِتمه عذب المثول في أتون الذائِقة

لك التّحايا تندى بـ عطر

حفظك الله يا طيّب

أبيات جميله ,, صح لسانك يالشاعر

القدير عبدالاله
تشرفت بمرورك العذب والذي ازدانت به ابياتي المتواضعه
ودمت بكل خير

القديره رشا
مرورك العذب زاد حروفي المتواضعه جمالا وتشرفت به
ودامت اطلالتك الكريمه بكل خير