يا بوي
 

الله يرحم طيّب الذكر والصيت
اللي بوسط القلب ماله وزيني

http://m.youtube.com/watch?v=hZTBiOhk7gw


نوح الحمام
بصوت الهيلا : حاكم الشيباني

.
‏الله يرحم طيب .....الذكر والصيت
‏اللي بوسط القلب....... ماله وزيني‏
.
يابوي يوم اقفيت..... ماكنّك اقفيت
‏ذكرك وطيفك .......كل يومٍ يجيني
.
ياكم على شانك... من الدمع هليت
صبري قضا...... والحزن بيّح كنيني
.
‏قلبي يعزيني ........وانا اليوم عزيت
نفسي بعد ماصار..... زولك دفيني
.
لامن ذكرت اني...... بضفك تربيت
عيني تهل الدمع....... في كل حيني
.
يابوي من عقبك .......ترى ماتهنيت
مالي جدا........ ياكود جر الونيني
.
يابوي بعدك موحشة..... ربعة البيت
في غيبتك يابوي....... مالي عويني
.
اشتاق لك شوقٍ...... يهز المثابيت
في كل ساعه......... غايباً ياضنيني
.
يابوي بنتك ........جرحتها التوابيت
جداي عبراتي......... وفرك اليديني
.
اقفى النعش عني ....وانا عنه اقفيت
وانت بوسط نعشك.... تناظرك عيني
.
يابوي انا في غيبتك....... ماتعاليت
‏هذا حكم ربي ......ماهو في يديني
.
وعند السؤال الله...... يثبتك تثبيت
ويكتب لك.... الجنه مع الصالحيني
.
الله يرحم طيب...... الذكر والصيت
واطلب من الله ...عقب فقدك يعيني




نوح الحمام

رحمه الله يا نوح الحمام
جَدَلتِ من البرِّ نوراً مسكوباً في قالب شعرٍ شجيّْ

حبّذا لو أدرجتِ النص برفقة الرابط يا حبيبة
محبتي وتحايا عاطِرة بالورد

من عيوني ي امي 🌹🌹

مرثية رائعة تفوح وفاءا و برا لمن يستحق الوفاء و البر
احسن الله عزاك و رحم الله الفقيد و الهمك الصبر و الاحتساب
اصبر و احتسب فإن لله ما أخذ و لله ما أعطى و كل شيء عنده بأجل
لا تنساه من الدعاء له و الصدقة عنه
انا لله وانا اليه راجعون

و لا فض فوك 🌹