منتديات أبعاد أدبية - سلاح الشريعة

منتديات أبعاد أدبية (https://www.ab33ad.com/vb/index.php)

- أبعاد الشعر الشعبي (https://www.ab33ad.com/vb/forumdisplay.php?f=3)

- - سلاح الشريعة (https://www.ab33ad.com/vb/showthread.php?t=35517)

سلاح الشريعة

الله يعز البلادي واللي نواها نويته
مجرود سيفي بيدي سحقا لك الاعادي

في كلمة الحق جينا منا العدو ضاع صيته
نبغى نشتت دولهم دام الامر غير عادي

دام القتل لك ديانه دينك بجهلك عميته
سميت نفسك بمسلم وانت بالاديان غادي

حنا سلاح الشريعه ميت ترى لو عديته
مانتبع اللي تبعته نتبع منادي ينادي

نرفع اذان المساجد اللي بفكرك غزيته
تبغى تدمر بفعلك ماظن عندك مبادي

الدين حنا رجاله مانقبل اللي بديته
تبغى تشتت قبايل تحلم ترى منت بادي

سلمان قايد بلدنا ماينفعك لو عصيته
خلك حريص وتنبّه جيشه ترى بتحادي

الشر يقفل دروبه والخير يشعل بليته
واللي يخاف العقوبه ربي غفورا وهادي

للمجد حنا صنعنا قوة تحالف مميته
ماترحم اللي ظلمنا واللي يخون البلادي

بقلمي

حين يكون الشعر للوطن لابد أن يتسيد وبكل شموخ
هكذا هوان النص فارع كما هو حضورك

بورِكَ مِداداً أنت راعيه يا طيب

تحايا وجلُّها الاحترام
:icon20::icon20:

اقتباس:

نرفع اذان المساجد اللي بفكرك غزيته
تبغى تدمر بفعلك ماظن عندك مبادي

سيبقى الأذان صوت شامخا منبها يكيد الأعادي
سلم فكرك يالشاعر
ودمت بخير

جميل يا شاعرنا
والشعر رساله

عبدالله التميمي..

للوطن عروق تنبض بدواخلنا ..
تجعلنا نكتب حروفاً..
من دماء القلب ..

حرف ليلكي قرأته هنا .
فلله دركَ ..

صح لسانك ياعبدالله
جميله تلك المشاعر الوطنيه
دمت بخير