تـــدور اللـــيالـــي
 

أسعد الله أوقاتكم بكل خير....




تـــدور اللـيالي والمـعـنّى يـدوّر دين
يدوّر عـلى هـونه تعكّـز على صبرهـ


بـكل ليلةٍ يطري عليّه وعد غالين
وطـالت مسافاتي واقول الفرج بكرهـ


اجامل و اعامل بالوفا جملة المخطين
واعـدّي لهم عثره واعـدّي بـعد عثرهـ


الا ليت لي قـلب ويسْلى مع السالين
مـهو قلب لا منّه تـضَايق بكى شعرهـ


انـا وين يا فارس وبـــاق الرفـــاقه وين
رغـم مـا بقلبي شفني اقاوم العبرهـ


انا والعنَا مدري وش اللي جمعنا اثنين
تـرى صاحبك ضـيقه من الوقت ياكبرهـ


اسـامر طيوفٍ شـفتها من قبل عامين
واسـنّد على دربٍ به اشــواكـ منتثرهـ


ايالـيتني مـاجـيت يـوم النجوم تبين
وخـلّيت ممشـايه قبـل حـزّة الصــفـرهـ


تـــراودني الـذكرى واكنّ الشقى والبين
ويـا قَشْـــر جـرحٍ كنّه القـلب يا قشرهـ


اعـــدد هموم وثـم اردد عـساها تـزين
ولازان لـي كـــود الادب نـظـمه ونثرهـ

الله يا سلطان

لله درّ الأشجان إن حاكت من الإبداع قصيد !

أهلاً وسهلاً ومرحباً بك يا أخي في أبعادِك

تحايا عاطرة بالورد

هذه سلطنة شعرية يا سلطان
أبيات جزلة
وقصيدة عالية الشاعرية
خطير انت يا سلطان
أنت شاعر يعرف ماذا يقول ويدرك ماذا يريد

تقبل خالص الود وأوفر التحية يا سلطان

صباح نقي جدا
وببوحك يتجلی
جمالاً

تدور الليالي تجلب لنا البوح الزين
تأخذ فكرنا لربوع خضرا وينبوع عذب لا نكف عن ورده
سلمت يالشاعر الطيب