مهرة العشق .. مصافحة أولى
 

[POEM="font="Simplified Arabic,4,white,bold,normal" bkcolor="sandybrown" bkimage="" border="double,4,sandybrown" type=2 line=0 align=center use=ex num="0,black""]مهــرة العشــق
خلت مزنك يالقصيدة واستثار الشوق فوق=واستهلت روح عاشق وارتوت روحه وله

ظاميه روح المشقا ترتجي شح البروق=وقمت اروّي من غلاها بين طيشه وجهله

علها تروي مضامي مهرة العشق السبوق=يوم مرّت تستثير الشوق في قلبٍ دله

نوّخت في جيش عشقه فوق مقدور الخفوق=واحتضنت الجيش كلّه مرحباً في منزله

ضيف غالي حل حالي مالك العشق الصدوق=موطنه في روح روحي مع ربوعه مع هله

من غلاها في غلاها عشت لو وقتي يعوق=سارج خيول المحبة ما رضينا ببدله

ولو يطول البعد راجي للقا قلبي يتوق=والأمل باللي توعد رزق عبده وكفله

الأمل شيّدت قصره وأرجي الله بالوفوق=يوم هيّأ لي غلاها عن سواها وعزله

تنبت الأرض بثراها من خطاها بالعذوق=تستميل العشب لا مرّت تمخطر بمهله

كنّها نسناس غيمه بالمطر جتنا تسوق=وفز لمصافح هواها كل غصنه ونفله

كنّها ما كنّها إلا ناويٍ عاني سروق=والهدف قلبٍ شقيْ العشق مبطي بهذله

أتصدد عن غرامه خابرٍ قلبي عتوق=بس جاب القلب كلّه في وداده وحبله

وارتميت بيم عشقه وانتظر وقت الشروق=باني قصور المحبة مالنا عنه رحله

بأتصبّر وأتحرّا عطفت الحظ العقوق=حظي اللي في طريقي واقفٍ لي بقفله

بأتصبّر واتحرّا للقا قلبي يتوق=والأمل باللي توعد رزق عبده وكفله

مرضي الخمعلي[/POEM]

خبر رائع
أبا سعد هنا
ضوء أنار المكان بلاشك
بحضور هذا الشاعر البهي
أخي العزيز
مرضي الخمعلي
سعيدة جدا بوجودك هنا
فأنت مثال الشاعر الراقي
المتزن
فيا مرحبا مليون
وألف شكر لأخي الفاضل سعد سيف مبادرته بدعوتك للتواجد بين كوكبة رائعة من المبدعين هنا في أبعاد