الباب الثاني
 

الباب الثاني
[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/18.gif" border="ridge,6,royalblue" type=2 line=1 align=center use=ex num="0,black""]أنا من ثلاث أيام والفكر كالدولاب = يدور بمكانه و يتقدم و يرجع به
تفره هواجيسه ولا يعرف الأسباب = تنزله بعض أحيان وأحيان تطلع به
يرف بمكانه مثل ما يرجف الصباب = يعبر المحيط وقاطر البيت يطبع به
غدى مثل من يقدم على شي لكن هاب = أو اللي يدّور ما لقى علم يقنع به
أشوف الضيوف اللي تزاحم بثاني باب = وأشوف الحجيج كثار تفتر بالكعبه
أجامل محبيني وأنا هاجسي مرتاب = وأشوف الربيع وناظري ما تمتع به
وأسولف مع الحاضر وفكري مع الغيَّاب = وأعرف الحقيقه زين لكنها صعبه
ايا غيبة ابن هذيل عنا هنيه غاب= عن الوقت هذا كل ما فيه يجزع به
زمانٍ يخذل السيف و يقلط المشعاب = تجوع الصيارم وأبرق الريش تشبع به
تساوت بها روس السوالف مع الاذناب = يعز الهزيل وطيَّب الساس يقمع به
وعن ذياب بن غانم قنعنا بعمر ذياب = ندش السباق ولا كسبنا ولالعبه
صحيح اللحا ما تكرم الاّ من الأشناب = واللي فاخت أصحابه ترى الناس تطمع به
يصلي بمسجد مير لا يقرب المحراب = ولا فيه سيَّد قوم لاجل أتشفّع به
تخالط قيم والا تمازج بشروانساب = تناغم نشوفه شوف والناس تسمع به
طلع فيه شعبه ما يجيها طريق إنـصـاب = وبدل شعبة الميته صرنا مية شعبة
ياليت العذارى تعتزل مهنة الانجاب = أو تجيب عالم محترم مثل ابن شُعبه
أنا في بنوك سويسرا ما فتحت حساب = فقير ورصيدي متر قاع اتربع به
لكني عرفت مسيلمه لو حلف كذاب = عسى النار تطفي عن سُليم وتولع به
ونخيت القصيد إيزيد لكن قافي شاب = ولكن ضميري دايم الحزن يرتع به[/POEM]

طلع فيه شعبه ما يجيها
أو تجيب عالم محترم مثل ابن شُعبه


أبوجمال ..


لحضورك دائما الصداره ..



مبدع في كل حالاتك ...



ألف صح قلبك وفكرك ... قصيده فاقت الوصف .. روعه و جزاله




بس يابعدي البيت اللي فوق .. شطره الأول فيه كلمه ناقصه .. أظنها سقطت سهوا :) .. أو إنك متعمد :) الوكاد عجزت لاأجيبها ..




تحياتي لك .. وإعجابي .. وسلامي الكثير .. وغلاااااااااااااااااااااي



م . ن

الاخت العزيزة همس الحزن

الف شكر لمرور العطر والجميل والاجمل هو تواجدك بهذه المشاركة

ابو جمال

اخي العزيز مبارك ابو ظهير

الف شكر لمرورك الكريم والقصيدة تشرفتك بمرور شاعر بقامة ابو ظهير

اما البيت اللي انت اشرت اليه فعلا به نقص واشكرك على التنبية

ولكن يوم جيت ابي اعدلة لم استطع انتهت فترت التعديل و العجز اللي وراه ليس هذا
والصحيح كالتالي

طلع فيه شعبه ما يجيها طريق إ**** = وبدل شعبة المياه صرنا مية شعبة
.................................................. ....= او إتجيب عالم محترم مثل ابن شعبة

الشطر بدل النقط تعمدت ان لااسجله لاسباب خاصة وهذا هو اللي خربط المشاركة الاولى
وعلى كل الاحوال اشكرك جزيل الشكر على تنبيهك ابو جمال

ملاحظه كلمة **** ماهي راضي تطلع ولا اعرف السبب يطلع بدل الاحرف نجمه

اختي العزيزة العنود ناصر بن حميد

اولا شكرا على هذا الاطراء الذي اخجلني واتمنى ان استحق القليل منه

اما انكم تعلمون مني فهذا شرف لا ادعيه وانما كلنا طلبه بمدرسة الحياة

اما عن التعديل فاتقدم لكي بجزيل الشكر وسوف ارسل لكي رساله

خاصة بالبيتين اللي يبن تعديل ،،وفيه كلمة ماهي راضية تطلع بالكتابة بهذا المنتدى وهي كلمة إ****

وللعلم **** بدون تشديد الصاد وهي تشابة كلمة ****ا الزكاه الا انها اسم

لبير ماء بالقرب من قرية الشعبة شمال الحفر وسمية الشعبة به شعبة ****

ارجو ان الكلمة تطلع هنا وكذلك بالرساله

تقبلي شكري وتقدير عقيل سعود المنيس