قبل لا تروح وتغادر
 

رسالة .. إلى وطن ما (مكان) .. أهديته كلي .. فأهداني وعودا من جراح ..
أراه الآن يتأهب للرحيل .. ليترك لي أوجاع غربة المسافر ..

نص الرسالة ..

أبكتب لك .. رسالة بس
بـ ابداها من الآخر
بـ اسم الشوق ..
وغصة من بقايا أمس
يتبعها ألم باكر

أما بعد:
دروب الـ كنا نمشيها
أبمحيها ..
ما بيها .. تمر ع البال
تناديني
خطاوي شوق أعديها
تهزني .. تكسر الخاطر

أروح .. ألقى
بقايا سخرية وقتي
التفاتاتي .. ابتساماتي
انتظاراتي .. مواعيدك
دفاي الـ ذاب في ايدك
حنيني .. لهفة اعيوني
جنوني ..
صمتي الماطر ..

قبل لا أوصل الموعد
أسمع همسك وعطرك
يصرخ بي ..
تأخرتي .. تأخرتي
وانا الي صار لي مده
افـ تمام اللهفه والوحده
قبل لا تجين أنا ناطر

أجيك ولهفة التأخير تسبقني
وتحضني ..
مطر شوقك يبللني
واضحك من تعاتبني
ضحكه للسما توصل
صداها الموعد الأجمل
حنين الوقت يسرقنا
ننسى كل مواجعنا
على اجناح الهوى انسافر

خساره كيف قصتنا
تصير ماضي .. تصير ذكرى
على فكره .. إذا بكره
بتتندم على الي راح
لا ترجع أنا ما بيك
بس أبغاك .. تتذكر سوالفنا
واكيد اهناك .. عند الله موعدنا
أبيك تكون بس فاكر
وتذكر وعدنا باكر

اقول ..
قبل لا تروح وتغادر
طلبتك .. قول لي (سمي)
كثر حبي .. كثر همي
أبي روحي .. هنا وياي تتركها
ما بيها تروح اوياك تاخذها
واذا حنيت ..
افتح دفتر الذكرى
اقرا هـ الرساله بس
اقراها أبيك تحس
واذا ما همك أولها
تلفت شوف آخرها

التوقيع:
بقايا جرح ..
بدا ينزف من الآخر ..

الرسائل حين تكتب بكامل قواها : هي .

من الاخر

نصوصك قريبه جدا من القلب فشكرا لك

مُنْتَهى
وأنْتي بِمُنْتَهى الشّفَافيّة دَائمَا ً
جَمِيْلَه يَامُنتهى