|
لعثمة / صالح الشادي
(لعثمة )
(1) لعثمة .. كل ما باحه ، وما ودّع (فمه ) . يجفل (الغرنوق ).. القاه.. ويِضيع إن جيت ألمه .. ويتبعثر لون خده، وألثمه . وأفهمه .. كنه يقول بصمت : ( يُمه ) ! وآتعوذ من غلاه اللي فتك بي .. وأرحمه ! مذهول يلقاني .. يداري دهشته فيني .. ويشكيني لعيني وفي الشفايا همهمة ! ما كان موعد .. كان سلب من الزمن مجلاسنا .. وأكبر غنيمة عشق . كان إني أعيشه ، وآتجلى (وأنظمه ) . ياهوووه .. يا دلوع أهلك جيت أبا اهلك شوق (لولاك) وحضوره .. إنت نوره.. كل ما صبّحت فيني .. صارت الشمس بضحاها معتمة ! (أهواك ) .. ماهي من الهوى .. يعني ولا نجم هوى ، وشق الهوا ..! (أهواك) عكس الجاذبية .. واتجاه الأنظمة ! تعال يابعد الزعل إنت - وتلعثم بي رضا واجتاحني باللعثمة . أصلا .. وش يكون إلغرام .. إلا سلام .. ولعثمة ..؟! أهواك كثر اللعثمة ! لعثمة .. كل ما باحه وما ودّع (فمه ) (2) ناحل السرجوف .. حولك / كم تطوّى زول ؟ كم حول ٍ مضى لك في فنون السرجفة ؟! . سرجفتني ..!! شفني طويت ضلوعي بصدري عليك - وقلت جيتك .. لا ظلال .. إلا خيال من كثر جور الوله .. ماتعرفه !! الكل يسألني عن اللي حتني ..! وأسرح .. وأدندن / راح .. لكن (حتني) . و الناحل اللي كان يسكني رحل .. ولا باقي إلا معطفه.. ! ما ألطفه .. هذا الصغير المكتحل بالموت .. هذا السكر المفتوت هذا الانسياب برمشه المفلوت فوق رقابنا .. وما أعنفه . أستحلفه باللي خلق سبع طباق .. يفكني من سيرة الفرقا .. وحزات انتظاره . ودي أجلس باقي العمر بفناره.. وأعزفه ! تعال يابعد الزعل إنت - وتلعثم بي رضا، واجتاحني باللعثمة . أصلا .. وش يكون إلغرام .. إلا سلام .. ولعثمة ..؟! أهواك كثر اللعثمة ! (3) مخملي الكبريا .. بك رَزَة أول ماخلق ربي من التفاح .. عالي .. مُشتهى .. رعبوب . يبتدي سحر الغروب – إليا تجَمّرت بحياك . وإن شرّفت لفتاتك الخجلى شمالي .. تستلج جْنوب ! البحَر غرقان بك .. والموج في ساحل عيونك ينتخي بي . والمنايا عاصفة ، والعاشق أبحر يا حبيبي .. والسفر مكتوب . أسرفت في ذبحي .. وأقول: إذبح بعَـد .. واسترسل بهذا التجني وشوف حالك .. ! لا تظن إني بافرّط في دلالك ولو فدع فيني دلالك .. عنه لاوالله ، ما أظني بأتوب . كيف أتوب.. ولامعي من باس موسى .. ولا رحابة صدرعيسى ..! ولا معي من حلم نوح .. ولا صبر أيوب .. ؟! أهواك .. وما والله اتنازل عن آخر دُرة جُوَاك .. لولك ومرجانك حلالي، وأولك وأقصاك . أهواك ، توي قلتها ..! وباعيدها .. لين أفرح بلاماك .. أو.. لين الجليد يذوب ! تعال يابعد الزعل إنت - وتلعثم بي رضا ، واجتاحني باللعثمة . أصلا .. وش يكون إلغرام .. إلا سلام .. ولعثمة ..؟! أهواك كثر اللعثمة ! لعثمة .. كل ما باحه وما ودّع (فمه ). |
شادي..ياصالح الشادي..
|
.. أستاذ الشعر / صالح الشادي أمام هذا النص الإبداعي لم ولن أجد ما يصلح قوله .. سوى الشكر لك وللشعـر أرق التحايا لقلبك .. |
تعال يابعد الزعل إنت - وتلعثم بي رضا ، واجتاحني باللعثمة . أصلا .. وش يكون إلغرام .. إلا سلام .. ولعثمة ..؟! أهواك كثر اللعثمة ! لعثمة .. كل ما باحه وما ودّع (فمه ). صالح الشادي تلعثمة الحروف .. في انصاف هذه الشامخه حقها خالص الود صالح الثبيتي |
كل حروفي تتوراى خلفي خجلا من الظهور أمام
عظمة ماتكتبه لك تحياتي استاذي |
أسرفت في ذبحي .. وأقول: إذبح بعَـد .. واسترسل بهذا التجني وشوف حالك .. ! لا تظن إني بافرّط في دلالك ولو فدع فيني دلالك .. عنه لاوالله ، ما أظني بأتوب صالح الشادي : يبقى الكبير كبير لله درك |
. . في البداية الشادي كان كريماً جدا .. فقدم لنا العذر مسبقاً فأن تلعثمنا فقد يغفر لنا ذلك . . وفي هذة القصيدة نجد صوت صالح الشادي فهي ليست قصيدة مكتوبة فقط !! بل هي مسموعة بشكل حقيقي لتصل بحة حروف شاعرها إلى مسامعنا ونعيدها مرة تلو مرة . . لنصل إلى . . تعال يابعد الزعل إنت - وتلعثم بي رضا ، واجتاحني باللعثمة . أصلا .. وش يكون إلغرام .. إلا سلام .. ولعثمة ..؟! أهواك كثر اللعثمة ! لعثمة .. كل ما باحه وما ودّع (فمه ). . . وتكتبنا اللعثمة شكراً كما يليق بك .. أستاذي |
(أهواك ) .. ماهي من الهوى ..
يعني ولا نجم هوى ، وشق الهوا ..! (أهواك) عكس الجاذبية .. واتجاه الأنظمة ! رائع ماكتبتة ايها الشادي لك الاعجاب والمتابعه |
| الساعة الآن 04:39 PM |
Powered by vBulletin® Copyright ©2000 - 2024, Jelsoft Enterprises Ltd.