صــــحي النـــــــــــوم
 

مصافحه أولى صحتني من نومي لكي ألمس صفاء قلوبكم
[poem="font="simplified arabic,5,purple,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صحي النوم

تنفض عسعس أطرافك وبل الماي = على وجهك وصحي النوم بأهدابك

أنا جايك قبل تلفظ من اللي جاي = تورق ضحكتي وتمون أسبابك

تروقني .. أنا رايق وأعض شفاي = وأجرح شفتي مع ليش أحيابك!!

تبوق السكر اللي ممتلي بالشاي = تمص صبعك وتحرق عندي أعصابك

نبت شوقك وأضن تدري هنا بحشاي = قبل تشرب عرق دمي خذ أحبابك

يضخ الدم ويفز الحشا جواي = حشا نبشت لأطراف المسا غيابك

تكهربت ونبض قلبي معك منفاي = من اللهفه أجي وأذوق عنابك

تلوم الشمس لو ترحل تلاقي دفاي = تلوم الريح ما تنسى تمر بابك

تبي تعرف عن غيابك؟؟ حرق لي رداي= فسخ جلد الحيا وأسلخت جلبابك

أجي أسرد على جرحي عزوف الناي = حزينه " أص " لا تروي خذ كتابك

شعورممتلي من أولي لأقصاي = يعض الحظ ويعفر هنا ترابك

تنفس وأشهق البارح حزينه خطاي = أدوس الجمر وأتعثر بمحرابك

قبل تشرب خذ عيوني ودمعي ماي = ولا تنسى تصحي النوم بأهدابك


عادل العوادي[/poem]

عَادل
مِن العَدل أن تَكون نَاصِرَا ً للشّعر والصّورهـ
حُضُور مُتْرَف ، وشَاعِريّة تُلامِسُ الغَيْم
هَذَا النَص كَالصّبَاحَات ِ المُشْرِقَة الّتِي تَزِف بُشْرى النّور لِلْعَصَافِيْر

أهْلاً بِكَ يَامُمْتِع ، وبِك الــْ أهْلاً تَلِيْق

لحرفِ الجنةِ موعدْ
ولحرفٍ يستسيغ الوصفَ في أجملِ الشعر موعدْ
وهنا على موعدِ كنّا
نقفُ تحيّةً للشعرْ
نطرقُ في روعةِ الكلماتْ



الشاعر / عادل العوادي


صح لسانكْ وسلمْ بنانكْ