سقى الله ..
 

.




سقى الله صدفة الروض البهيج وهفهفات النود
وراع البندق اللي جـا يصيــد وراح منصادي

على روضن ليا هب الهوى غربي ومال العود
شذاها من عبير الــــورد واللارين والكادي

روابي نجد خصبه تغــرس الفسله وتنبت خود
وروده تسلب اللــب الفطــين وغصب ينقادي

لمحته من بعيــد وشــد قلبي غصنه العبرود
وصوبنــي بنظـــره مـا رفعهـا الا توكادي

تشن الحــرب لين استأسرتني بالعيون السود
اسير ٍ في هواهــا واعلنت موتـي وميـلادي

انا وش جابني درب الخطــر ياحظي المقرود
الا يا كم نصحت القلب غير النصـح ما فادي

ادور لي طريقـه والطــريق النـافذه مسدود
على بابه حرس متجمهره وسيــوفن حدادي

لو اما كل من يمشي على درب الهلاك يعود
ابمشي دام مركبنا الطمـوح وجرحنا الحادي

طموح النفس نشقى في مراده والعمر محدود
تريــد نفوسنا والحيـل غادي والعمر غادي



.. 15/1/1436هـ




.

حبكة شاعر متمكن من أدواته الشعرية
تقيل التحية
يا عبد الله

الله الله الله ياعبدالله
حضور يستحق الإحتفاء
ونص يعانق النجوم
تقديري

مبدع
ومتمكن
دمت بخير

الشعر له ناسه
ينبوع عذب لا ينقطع يروى السهول القريبة والتلال البعيدة
يروي الظمأن ويداوي جروح كانت عميقة
سلم يداك والفكر شاعرنا الطيب ...

اعتذر عن تأخير الرد ايه الاحبه الغالين
لظروفي صحت ابدانكم جميع ومشكورين ومجملين وبيض الله وجوهكم




.