بانت سُعاد
 

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
( بانت سعاد ) وصـار حزنه حكايه !!=و ( بانت سعاد ) بعيـن قلبي وغنّيت
وان كان(كعب) اسرف على عشق آيه=المعـذره لااسـرفت في حب واقديت
( بُردة غـلا ) من ثقـل خـارت قـوايه=لـولا المشـاعر سـنّدت كان صدّيت !
مال الخطـا في ( قلب رجّال ) غايـه=مانـي من اللي لاعشـق قال أخطيت
جيتـك وانا قلبـي معي بــ البدايـه=تركتــه إلك وَلا اتراجـع اذا اعطيــت
دام الهوى يعزف على الحـزن نايه=اوعدك اكسّر ناي حزنه ( على بيت )
انزف قصيدي وامطرك من سمايه=واكتب حقيـقه من خيالي على : ليت
ليت الحظـوظ اليا تمـادت معــايه=تاخـذك يمّي كنّي مدري ( يابلفيت )
ياقلبـي اللي ماكـذب من غوايــه=تكفين مابغى قول : وشلون حبّيت ؟
الوضـع مزري وانتي احلى روايـه=لامن حكاهـا القلب ( بالله سمّيت ! )
ابـدا غــلا ثـم اتركك لـ النهـــايه=وارجـع اعيـد الحب والعذر : سجّيت !
سجـة غـرام وماخِـذه بي وصايه !=سِبّـة غـلاك اللـي ندهنـي و لبّيت .!
( يانقشـة الحنا ) تـرى اليـد رايه=مدري من اللي رفرف وجيت ماابطيت
حبّك على مبــدا عفــافك كفـايه=انبـت غـلا.. دام الوعـد فيـه وفّيت !!
ضحكة كرز في شفّتك ذي نهايه=قفـلة قصـيده للحـلا يــوم غنّيـت ..!
[/poem]

الله الله الله
لله درُّ قصيدٍ بك تختال وتَزهو أبياتُها

والقَفلة إبداعٌ آسر
لكلِّ بيتٍ حكاية وفتنة

دام الهـوى يعـزف علـى الحـزن نـايـه
اوعدك اكسّر ناي حزنه ( على بيـت )
انـزف قصيـدي وامطـرك مـن سمـايـه
واكتب حقيقه مـن خيالـي علـى : ليـت

لله درُّ بيانٍ حيكَ في هذا الرِتم دَهشة

لك التحايا جلّها تَندى بِـ جوري

سلطان الشعر
حضور مختلف وحرفنه شعريه راقيه
دمت بهذا الإبداع
تقديري

مبدع



كعادتك
ومميز


عن غيرك

سلطان الدوسري
وسلطنة شعرية
حبكة شاعر متمكن من أدواته الشعرية بكل براعة واقتدار
وثقافة عالية وواسعة

حُيّيتَ هاهنا في أبعادك أدبية، مرارًا وتكرارا

تقبل خالص الود والتحية

:)

رشا عرابي

مروركِ أنار وعطّر أيتها الأنيقة ..