تركي بن بخيت الحربي في مدح عبدالله بن حسن الشمري
 

هذا رد من الشاعر تركي بن بخيت الحربي
على الشاعر عبدالله بن حسن بن بطي الشمري

رد على قصيدة البشت

سلام من حربي براسه نعاره
من اليمن تبدا الى حد سنار
للي يعد الطيب ما ارخى ستاره
تاصل لعبدالله وربعه هاللكار
باجدى الثواني تاصله عند داره
من شمر الي فعلهم فعل بتار
اكرام للضيفان ويعز جاره
وقدمه تبرك بالصيانٓ له ابكار
والبشت في شرواك ماهو خساره
وان ماجاك بشتً جاك الا بمقدار
باول شبابك جبت لولو محاره
ياحر شالع فالسما فوق الاحرار
وفيحان ربعه فيك زاد افتخاره
وانتى بعد مثله تباهى بالافخار
بالجيل خلفت لبعدكم عباره
قولت نعم لاجيال ماهم بحضار
حزت الفخر والمجد ماهو استعاره
با ام الشحم والبن والعود لاندار
بين الزحول الي تفك الجباره
غطى على صناع لندن بالاعطار
ربعي قبيلة حرب اهل المهاره
اهل المهار الي سمك دربها اغبار
عنها انحد الطماع ماهو اختياره
من خوف لامن راح مايوحذ الثار
ويا الله بالفردوس نلقى البشاره
في يوم فيه الناس شخصين الابصار

فخامة الردّ من فخامة الرسالة السابقة والمرسل إليهم

هذا النوع من القصيد يؤطر علاقات المودة
بأسمى الوِداد

بورك المداد وأيادي وصلٍ تسمو في سماء الودّ

للشعر حضور وصولة
توطّد أواصر الود

طبتما وطابت أيامكما