حفنة ملام..
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مات العتاب بداخلي واللي بقى حفنة ملام=اذروه في وجه الغياب اللي تسمونه حضور

ما عادة الحسبة تجي حشمة معا حفظ المقام=تبدلت عاداتنا ما تشوفهم شدوا الخصور

دام الحقيقة واضحة وشهوله يزود الكلام=بعض الاوادم عايشة تنبش ورى الميت قبور

الكذب يا كفوف الغدر اسود مثل لون الظلام =الصدق يا وجيه العطش ما يرّث العميان نور

اللي يبي كتفي جسر يمرح على نية خصام=بكتب لكم يا سادتي من هون ممنوع العبور

يعني من الاخر اذا واحد يحس انه همام=في ذمتي لسن به سنه على يمة دبور

سلام يا ساده اذا تدرون وش معنى سلام=كلن يفصل له عمل يستره في يوم النشور
مات العتاب بداخلي واللي بقى سرب الحمام=فكوا له اقفاص السما الريش يحتاج الطيور
[/poem]

المتألق شقران الزيادي

عندما يكون موضوع الشعر نقداً لحالة معينة ففي الغالب تجد الشاعر يخرج كثيراً عن حدود اللباقة وما يمكن أن يقال في مثل هذا الموقف ولكنك هنا طرقت الموضوع باسلوب أدبي رصين بعيداً عن الإسفاف وهذا يحسب لك كشاعر يحترم ذوق المتلقي .

أشكرك أخي العزيز
وتقبل مني أطيب التحايا :icon20:

ما عادة الحسبة تجي حشمة معا حفظ المقام=تبدلت عاداتنا ما تشوفهم شدوا الخصور

هههههههه اي والله انك صدقت أخي شقران وشاعرية ذات فكر راقي ونقد راقي


دمت شاعرا مبدعا

يسلم احساسك ياشقران
عودتنا على حضور الشعر حين تحضر
كل التقدير لك ولحرفك