فرق الكروة !
[poem=font="simplified arabic,5,darkred,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
مانت أوّل اللي مايصيب مراده = ولانت آخر اللي ينطعن من ذروه ما كل صاحب لا كربت شداده = يكرب شدادك لين يلحم غروه لا شفت من نقع الردىَ ميراده = امنين ما يظما بعاده فاروه يشفيك من قرب الرديّ ؛ ابعاده = هفّت " مقيط " ؛ ودرهمة " بن عروة " خلّه يولّي ؛ والفجج ولاّدة = تنجب لك اللي ماهقت به " حروة " اللي إلى مرّ اسمه النقّادة = قالوا :" نعم " لا جا الحديث بطروه لارقّ عظمك ؛ جذوته وقّاده = تدفى بصوته قبل يقدح مروه أمّا الذي وقفته مثل قعاده = ادفع على فرقاه ؛ فرق الكروة من لا قدح في الهيّنات ازناده = ما ينفعك والذيب يا كل جروه [/poem] |
تحضر / يامحمد السالم .. لـ تمنحنا متعة الشعر ..! . . رائع ..وأكثر |
كتبت .. فأبدعت مااجملك وصح الله السانك |
يشـفـيـك مـــن قـــرب الــــرديّ ؛ ابــعــاده صدقت والله وابدعت وقلت ماعجزنا نطقه هذا النص الحكمه مثال لمن لايستحق كل هذا البياض كل التقدير لهذه الروح وهذا الشموخ |
تكتب بكل ما أوتيت من شعر يا محمد .. هذه القسمة الجميلة بين ما أوتيتَ و ما أوتيَ غيرك .. لتمايز أكثر .. لتُضيءَ فوق الضوء .. كل الشكر يا جميل .. |
"
" " يشفيك من قـرب الـرديّ ؛ ابعـاده هفّت " مقيط " ؛ ودرهمة " بن عروة " خـلّـه يـولّـي ؛ والفـجـج ولاّدة تنجب لك اللي ماهقت بـه " حـروة الله الله يا محمد الفجج ولاده والأيام ولاده والقوافي ولاده لك الصبح والود |
خـلّـه يـولّـي ؛ والفـجـج ولاّدة .................تنجب لك اللي ماهقت بـه " حـروة ياسلام يا محمد نص جميل سبق لي ان استمعت به وها انا استمتع به مره اخرى صح لسانك |
صح لسانكـ محمد
:):):) |
الساعة الآن 10:37 AM |
Powered by vBulletin® Copyright ©2000 - 2024, Jelsoft Enterprises Ltd.