إجتلاد السهر ... !
 

**



**


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


رسائلك والظلام اللي موحّشني = أزريت مِن بينهن لا مدّد الحافي
هذا الجفا دون وصلك ظرف حايشني =شباك وصلك ظلامً موقده طافي
البرد ذيبٍ جويع وناب ينهشني = مرّة قبالي ومرّة ياقف خلافي
ونجمً بعيدًا ورى نوّة معايشني = يا مصدق النّجم ؛ ليتك نجمي الوافي
برد الصبا هبّ ؛ وأنسامه تناوشني = كَريشة في براحٍ ؛ هبّها سافي
أقفي كذا في الخوا ؛ وارجع ويكمشني = حسّ التوحّد ؛ معا ذكراك يا جافي
أدفن ملامي ورى حزني وينبشني = صوت لصدى صمت ؛ يحّرث حزنه الخافي
يا كثر ما فالفضا قد قلت واحشني = يرجع صدى الصوت ليّ ؛ ماحولك سنافي
رسائلك وشكثر ؛ عنّك توشوشني = بأسرار دفّنتها ؛ في الموعد الغافي
كنّ الرسائل نديم ليّ ؛ يناقشني = عن ناس ؛ للحب فيها منبع صافي
للصبح ؛ طعم السّهر من ليل غابشني = يمكن ورى الصبح ؛ يطلع صوتك الدافي
سريت ليل الجفا ؛ والدمع يرهشني = الدمع طرقي ؛ سرى ليل الدجى حافي
ماعُدت يا ليل ؛ ذاك اللي يحمّشني = على اجتلاد السهر؛ لو طاحت أطرافي [/poem]

رسائلك والظلام اللي موحّشني
................ ؛ أزريت مِن بينهن لا مدّد الحافي

مطلع مختلف المذاق :)
لله أنتَ يـا مُحمّد ؛

.. جـآد بيـآنك ..

محمد السالم


اتيت وارد للشعر وروريت هنا من اصفا وانقاء مشاربه



شكراً لك وصح لسانك وقلبك



تحياتي لك وتقديري

الجَمِيْل
محمد

فِي كُل نَص ٍ لَك ، أجِد سَمَاء الشّعر أكْثَر قُرْبَا ً

رَائِع ، وأكْثَر

لو طاحت اطارفي .. !

الله الله يامحمَّد

خلوة مع الذات الشاعرة
ووحشة ذيب (يقنب) بصوت صافي

لله درّك

امتعتنا