منتديات أبعاد أدبية - تغطية خاصهـ لـ / أمسية عبيان والريض واللامي

نسيان اللامي

http://www.0sss0.com/up/uploader_files31/YUU60523.bmp

حزن الريض

http://www.0sss0.com/up/uploader_files31/BNE60716.bmp

إبتسامة عبيان

http://www.0sss0.com/up/uploader_files31/MlL61284.bmp

رغم التأخر والإنتظار الذي دام قرابة الساعه
لم تمل النظرات بين الفينة والأخرى من التسرب إلى أعماق الشاشه
المقسمه لأربعة اجزاء مختلفة الزوايا
لعله يأتي بريق نور الحضور ويتقدمهم الشعراء لإبتداء الأمسيه
وبعد تلك الساعه بدء نور الشعر بالوميض شيئاً فشيئ فـ فرح الجمهور واستبشروا بحضوره

الإفتتــــــاح /

http://www.0sss0.com/up/uploader_files31/4Me61399.bmp

بدأ عريف الأمسيه الترحيب بالحضور وشكر القائمين على الأمسيه من جميع الجهات تنظيماً وإدارةً ومساهمين
واستهل الشعر بـ بيت من نبض / فهد عافت ,, يقول فيه :

واستراحة على غصني طيور اربعه
الوزن والقاف والمعنى وروح القصيد

مؤكِداً بعدها إن شعراء هذه الأمسيه مبدعين يتقنون تربية الطيور وتدريبها

وبعد الترحيب بالحضور الكريم جاء وقت الترحيب بالشعر ,, بِدءً بفارسه الأول الشاعر المبدع عبدالله عبيان اليامي

http://www.0sss0.com/up/uploader_files31/cng61945.bmp

وتلاه الترحيب بالشاعر الجميل علي الريض

http://www.0sss0.com/up/uploader_files31/BMR61544.bmp

وبعدها كان الحضور للشاعر الإعلامي صاحب العدسه المكبره بدر اللامي

http://www.0sss0.com/up/uploader_files31/FIN61587.bmp

جائت النبضه الأولى من شاعر الإنسانيه الشاعر عبد الله عبيان
بـ تصريحٍ اخجل المنطقة الشرقية به حين قال :
( أمسية الشرقيه حلم أي شاعر , لأن جمهورها متذوق للشعر من الدرجه الأولى )
وجاء شعره الأول لـ قلب الوطن وكانت قصيده مهداه لولي العهد صاحب السمو الملكي الأمير سلطان بن عبد العزيز آل سعود
ومن أبياتها :

http://www.0sss0.com/up/uploader_files31/TCq61694.bmp

يقولون الكرم ميزه وانا اقول الكرم رجال
تسمى بإسم سلطان العرب سلطان ما غيره
.
.
ليا منك سكتّ اشوف فيك ان الجبال اجبال
ولامنك ضحكت احس ضحك الناس تكشيره
.
.
على حد الجنوب اسرجتها لك والهلال اهلال
على نوره سريت وكل دربٍ زاد تنويره

هلا وارحب هلا ياسيدي مأجور ويش الحال؟
تحية لابةٍ دونك تسوم ارواحها غيره

وجاء وقت إعترافات الشاعر علي الريض
مع قصيدته التي اتحفنا بها من خلال مشاركته في برنامج شاعر المليون
وقبل أن يلقيها / بدأ بترحيبه وشكره للحضور
وارسل شكر خاص للحاضرين من زملاءه في شاعر المليون
وشكر الأستاذ حسين عبد الوهاب مدير عام صحيفة زوايا ورئيس لجنة تنظيم الأمسيات
لحضوره ولمساندته له ,, وبدأ بـ نثر وروده من واحته الغَنّاء :

http://www.0sss0.com/up/uploader_files31/uIj61821.bmp

ياللي تبي تعرف اسراري وعنواني
الحزن والضيق واللوعه عناويني

وإن كان من جد يا ابن الناس تبغاني
في كل لمة حزن يمكن تلاقيني
.
.
كم واحدٍ ماشتمته لجل ما اعطاني
وكم واحدِ ما مدحته لحل يعطيني
.
.
ما اكذب لكني اتجمل بعض الاحياني
يوم انه الكذب صاير شي روتيني

وعندما وصل الشعر بجانب الشاعر بدر اللامي
بدأ كلمته بـ عتاب إستحقاق التكريم الذي لم يناله شعراء المليون بعد رجوعهم من البرنامح إلى السعوديه
وأول نبضاته / قصيده مهداه لصاحب السمو الملكي الأمير عبدالله بن فهد بن عبدالله آل سعود على إحتفاءه بهم ,, ومن أبياتها :

http://www.0sss0.com/up/uploader_files31/3cg61936.bmp

من شاعر المليون جينا والملا نقطة عبور
من فوقها عدت قوافينا على مليون دار

ياشعري المحبوك والمعنى يبي يملى السطور
ازهم خويك ازهمه والبيت له مليون كار

شّمر عن ايدينك وخلك ذيب في الموقف جسور
دام المعاني كامله فـ المدح بالطيب وقار

وقّف مابين ايدين عبدالله ولا تلف وتدور
دق التحيه للمبجل من يمين ومن يسار
.
.
يا بن فهد ماجيتك بـ مدحي سوى لأني غيور
ابي أأرخ شبرك اللي ماتوازيه الشبار

لأنك كفو والفعل فعلك وانت للكسره جبور
ماودي تعدي كذا ويشب للعذال نار

ومن شاعر المليون جينا والملا نقطة عبور
من فوقها عدّت قوافينا وجيناه افتخار

وبعدها كعادة الأمسيات تناوب الشعراء في إلقائهم للقصائد على التوالي
وهنا بعض المقتطفات :

http://www.0sss0.com/up/uploader_files31/0ea62033.bmp

http://www.0sss0.com/up/uploader_files31/gdS62069.bmp

http://www.0sss0.com/up/uploader_files31/GQT62107.bmp

عبدالله عبيان اليامي /

أرّحب واهلي بك بديرة بني عمي
عليها المطر بعد الرعد لاتشحي به

على ديرة منها وفيها بدا حلمي
صغيرٍ تخفى خايف الناس تدري به

ربا في حنايا طفلةٍ مدحها ذمي
ليا صار بعض المدح يظلم معازيبه

عفيفه / بريه / طاهره عرضها محمي
اعرف الحكي في عينها قبل تحكي به

سكن في خفوقي حبها قبل ما اسمي
في حدب الضلوع العوج قامت تغني به

......................

القصيده الرائعه التي أهداها للشاعر العراقي عادل الشاهين :

صحى صوت الملام وكل عبره في بيوت الطين
اتعانق مجد بابل والسحاب يصافح اترابه

لمحت الفجر مر وفي جيوبه دبله وحرفين
رمته الشمس في وجه الظلام وشقق اثيابه

وغارت في الحشا خيل الشعر ياعادل الشاهين
وسرت في كل عرق سيوف عز / وصيحه / ولابه

..........................

من بعيـــــــــــد
لا لمحتي نوض بارق
والهدب في الدمع غارق
ناظري
يمكن تشوفيني لحالي
شاعرٍ يكتب على خد الثريا
لا حياة ولا ممات إلا هنيا
في خفوقه
طفلةٍ تركض على روس الأصابع
تستفز الريح والنعناع
في خضر المرابع
لا حكت غار الكلام من الكلام
وان تهادت ياسلااااااااام
يستلف بعض الحلال من الحرام

علي الريض /

انا ماشفت شي يهين قلب ويتعب الإنسان
مثل صدة حبيبٍ يجرحك داري ولايبالي

حبيبي مازرعت إلا شجون الحزن بالوجدان
حبيبي ماجنيت إلا كثر صبري وعزالي

عطيتك ماتبيه من الغلا والحب والتحنان
اخذت اللي تبيه وخلي اللي تبقى لي

دخيلك لا بغيت تمر في بالي وانا سهران
تأخر لين أنام وبعدها تعال في بالي

..................

راكب اللي كل ماهب الهوى تسمع صفيره
لاتنحر للهبوب ومقدم الليل امتداني

والله إنه يبعدك عن دار ويوصلك ديره
منوة اللي دقها قوس تحت حدب المحاني

جيب لاند اكروز تويوتا صنع شركه جديره
بالرياده في صناعة جيب ما للشكل ثاني
.
.
لا اشتغل سلفه تقل ضحكة عشيرٍ مع عشيره
غايبٍ لاقى وليفه عقب فرقى وامتحاني
.
.
ما اتعزوا في ضعيفٍ فيه حقد وفيه غيره
لو حداني الوقت ما اغير مبادي ومكاني

والحياه ادروس والأيام دورتها مريره
من دروس الناس والأيام جاني ماكفاني

...............

ابي اتصبر دام هالدرب قدام
والعبره اللي واقفه ماغصبها

مادام بوحي بين عاذل ولاوام
خليني اخفي ضيقتي واحتسبها

وياحلوتي نامي على كف الأحلام
وانا لي اهموم الغرام وصخبها

بدر اللامي /

بعدما كثرت الأحاديث والإتصالات في قاعة الأمسيه ,,
وجه للجمهور بيت من أحد الشعراء طالباً منهم عدم الإزعاج
كونهم [ الشعراء ] حضروا لهم و للشعر
وكان البيت :

مايذبح الشاعر سوى شي واحد !!
لا صار يقصد والخلايق تسولف

ومن بحرهـ :

اللحين جيت وللخطا جبت تصحيح
ماظنتي عذرك يبرر غيابك

جابك عليّ درب الهوى دون تصريح
ويرجعك درب الهوى يوم جابك

حبك نثرته ياحبيبي مع الريح
يوم انثرتني غيبتك في حرابك

..................

قصيدة للشاعر عبدالله عبيان بعد خروجه من مسابقة شاعر المليون :

شمنا عن المركب بعد ما صار ممشاه بوحل
وشمنا عن المده بعد مدة يدين الغانيه

وعن كل زله تدمح عيوني لجل ذاك الفحل
اللي على شانه مسكت لساني وآذانيه

عبدالله عبيان واسمحلي ترى صبري رحل
أبي أفضغض ما بقالي غير عظم لسانيه

وانته سلايل يام حلالة دماء المستحل
اللي تكسر ناب حلق الغاويين بثانيه
.
.
دام الحبر بيدي طويل العمر قلي ويش أحل
لا تخاف دام الحل تحته ينكتب برهانيه

أنا خليه بمدأي يوم أكثر العالم نحل
ماسج رجلي للملا دام الاوادم فانيه

يوم البشر نصفين بالمرقاب والا بالدحل
أنا شلعت بهالسما مني ومن جنحانيه

ومدام قول الحق في وقتي غدى يسحل سحل
أبي أحرق وجيه وآعمي عيونها بدخانيه

ناس ٍ عطاها الله عمى قلب ومبادئها محل
تبي أجاملها وأغير لجلها عنوانيه

لو تبحل أشنابه حشى والله فكري ما بحل
أنا كذا دايم يجي لوني مثل شريانيه

الساكت عن الحق شيطان خرص فكره ضحل
مساحة الجوخ استوت بالصيد من عقيانيه

كانت أمسيه جميله وذات تفاعل جمهوري جميل
وتنوعت القصائد فيها بين المدح والوطن والغزل والحزن والإنسانيه
ولكن الحضور النسائي لم يتجاوز الـ 20

وبما إنها أول أمسيه أحضرها في المملكه فهي تبشر بكل خير