( وقيّة واقع )
 

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أنا أول .. كنت أصون الشعر .. احَسْبـه كـان صاينـّي ..! =لكنّ الحين .. أبا أسـرف فيه .. من ألفه .. لمليونه
أصونه .. ليش ..؟ يا عالم .. وهو مـن وقـت .. خاينّـي=تذاكر رحلتـي .. ! عنـده .. علـى ( تكفـون ) .. مرهونـه !
على ( كومة تجارب ) متكي .. في عزلتي .. كنّي=بقايا .. من صَخَب حفله .. خياليّه ومجنونه
صباحي فوضوي .. والليل ساكن في حدود .. أنّي=أنا تنقصني الونّه .. كثير .. وطلبة ألعونه
ولا ضحّيت فيْ قيد أُنمله منّي ولمَنّي=ثوابت .. تفرض الواجب عليْ .. وأقوم في شونه
من ذنوب الجروح .. اللي على التهميش .. لامنّي =تبرءا كل شي .. ولا بدا صدري بمكنونه
بياضي .. تدّرج حوله ..خناجر سود .. لكنّي=علمت .. إن ..المآمـن .. كلّها .. مـا هـي .. بمأمـونـه
تحديت .. الزمان اللي لياليه .. أخلفت ظنّي=وحيّرت .. أكثر الناس .. بمدى صمتي .. ومضمونه
وأنا أقرى .. في ورق ذكراي .. قصة حزني .. اغني ..! =وهُم يوم .. إسألوني .. كيف ..؟ قلت اللي تشوفونه ..
أنا ما ابكي .. على ما راح لي فالوقت .. رغم إنّي.. =فقدت برحلتي ( حلم الوجود ) .. وعشت من دونه
عسا شُهب الغصون .. اللي من أول خضر .. يفدنّي=محيطي .. ما تكرم في ثرى .. للجذر وغصونه
وإذا يا وقت .. ما حققت .. حلم أيامي .. ادفنّي=في برزخ ياس .. وادفن .. ما بقا من عمري .. وصونه
عن آمالي .. أبا أغضي .. في تفاءل .. وانشغل عنّي=ما أبا اقلّب مواجع .. والنهاية .. شبه مضمونه
سرت .. وسمية أحلامي .. ولا ابغا أعيش متمنّي=يسد .. اللي مضى والحال.. كيف الحال ..؟ وش لونه ..؟
خسرت .. وما ربحت .. إلا الشموخ اللي بقا .. منّي=ربحْت .. وما خَسرت .. إلاّ الفتات .. اللي يلمونه
تغازلك أمنياتي ... وأنت يا آخر حلم .. مستنّي=لكنّ ... ارحل عن المحروم منْك .. وحِل عن كونه
أبا اخفي كل طعنة .. فوقها النظرات .. تطعنّي=وأشتت كل فكره .. من عيال إبليس مسكونه
وإذا كـان الحـلاء .. دايـم .. هـو أكثر شـي يفتنّـي ..؟=أبا ارفع نظرة الجيعان .. عن تصبيره .. تخونه
وإذا خش الخطر حد .. النظر عاني .. ومتجنّي=أقول لخافقي .. احـذر ..! أمامـك بنـت مزيونـه
عن دروب الهوى جنّبت ..متضايق .. ومتهنّي=تموت ..النفس .. محرومه .. ولا تنساق .. مفتونه
ابهّر دلة الإعجاب .. من هيلي .. ومن بنّي=وأقول إن القناعه .. دايم أبقى وابرك المونه
وانا في ..عالم يعاون عليّ .. وما يعاونّي=( وقيّة ) واقع .. انفع .. من ( طنون ) أوهام مرهونه
[/poem]

عودتنا يا محمد على الشعر

فنحن لا نتقدم إلى متصفحاتك

إلى ولكنا يقين بأن الشعر حاضر بكل زهو


تقبل مروري المتواضع

وأنا أول كنت أصون الشعر احسبـه كـان صاينـي
لكن الحين أبا أسـرف فأجمـل حروفـه وبلحونـه

,

متشفـّق على سماعها


سلامي عليك , وأجمل تحيـَّاتي

محمّد
حِيْنَمَا أرى اسمُك أجِد ُ نفْسِي سَعِيْداً ، ووَاثِقَاً بَأنّ الشّعْر كَالغَيْم بِيَدِك

هَذَا النّص مَلِيء بِكُل شَيء ٍ تُحبّه ُ الذّائِقَه

رَائِع والله حَدّ الإبْهَار

القدير سعد السعيدي




انا من تشرفت بمصافحتك الاولى وسعدت كثيرا



وهذا كرم منك .. شكراً جزيلاً لك


لا عدمتك



تحياتي لك وتقديري

عبد العزيز رشيد



هلا بك وغلا




اقتراحك في محله وتم تغيير العنوان



شكراً لك على اهتمامك ومرورك




تحياتي