منتديات أبعاد أدبية

منتديات أبعاد أدبية (http://www.ab33ad.com/vb/index.php)

- أبعاد الشعر الشعبي (http://www.ab33ad.com/vb/forumdisplay.php?f=3)

- - ليتك تجي (http://www.ab33ad.com/vb/showthread.php?t=44246)

ليتك تجـــي يا مــــنــــوتي وتحقق أحـــــــــــــــلام السنيين
من غيبتك عن ناظري مـــا شوف غيرك بالعيون

جرح ٍ سطا وش حيلتي والشـــوق يدفعه الحنين
ومن الجفا ذاب الجـــــوى تـــــعال اضـمـك يالحنون

يا حــــلـــم عمري والغلا وانفاس هالقلب الثمين
يا فوضوية شاعـــــــــرك يانبض قلبي والسكون

القلب مـــــــــــــــن هــــــــــــمــــــي شكى بين الحنايا والوتين
تـــــــــــوي دريت ان الـــهــــــــوى يجـــرح وتبكيه الجفون

يابنت شوفك شاقني وانتــــــــــي صميلك له حنين
ما بالجفا غير التعب واوجاع تزرعها الشجون

الوقت يجري والزمن مـــــــالـــــه ومـــــــــال العاشقين
وحنا طواحين الهوى وما بالهوى غير الظنون

وانتي لك الله دنيتي حتى لو انك ما تبين
ومالي مراجع بالبشر مافيه غيرك من يمون

ياروحـــــــــي اللي تحتضر والـــحــــظ عيا يزين
القلب يشكيك وعجز ولا فكر انه بك يخون

طلال الفقير

جميل ورائع ياطلال :
لو قلت :
ياروحي اللي تحتضر والـــحـظ عيا لا يزين
القلب يشكيك وعجز ولا فكر انه بك يخون

لـ استقام الوزن
-
بالتوفيق :34:

🌹🌹🌹
شكرًا طلال لأنك لا زلت تكتب .

مفردة (لا) سقطت سهوا في عملية النسخ واللصق واكيد اخل في الوزن

اهلا وسهلا

يا هلا فيك

الكتابه عشق لا يمل

حبكة شاعر متمكن من جميع أدواته الشعرية
ولا ضير فنحن في حضرة طلال وكفى

حييت

اقتباس:

المشاركة الأصلية كتبت بواسطة عبدالإله المالك (المشاركة 1225120)

حبكة شاعر متمكن من جميع أدواته الشعرية
ولا ضير فنحن في حضرة طلال وكفى

حييت

شهادة اعتز فيها

مودتي وتقديري