منتديات أبعاد أدبية - مصافحه أولى / / ذكرى تعذبني .. صوتيّه

السلام عليكم ورحمة الله وبركاته

صباح / مساء , , , الخير على الجميع

بعد حصولي على شرف الإنظمام

حبيت أصافحكم بإحدى قصائدي علها تنال بعض من إستحسانكم

ذكرى تعذبني

للإستماع

[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ذكـرى تـعـذبـنـي لـهـا الـفـكـر مـشـدود=إلـيـا طـرت قـلـبـي لـبـلـواه لــًدي
عـانـقـتـهـا يـاخـوي والـعـالـم ارقـود=وقـلـبـتـهـا مـابـيـن ودي و ودي
لـو الـتـوجـد يـصـلـح الـحـال يـاسـعـود=سـريـتـهـا يـاوجـد حـالـي ووجـدي
وجـد الـشـجـاع الـلـي بـه الـشـور مـعـقـود=يـاقـف لـيـا جـاك الـعـدو أمـتـعـدي
تـكـالـبـوه الـنـاس نـاقـد ومـنـقـود=ثــم انــكـرو فـعـلـه عــنـاد وتـمـدي
مـن عـقـب مـاسـيـفـه عـلـى الـقـوم مـجـرود=ســاد الأمــان وبــادت سـنـيـن جـدي
عـلـيــك يـلـلـي تـبـعـد شـوي وتـعـود=تـكـف يـمـنـى وصـلـنـا ثـم تـمـدي
لـو الـدمـوع لـيـا أمـطـرت تـنـبـت ورود=نـبـتـت بـسـاتـيـن الـولـه فـوق خـدي
ولـو الـهـوى مـافـيـه نـسـيـان وجـحـود=مـابـاح مـن زود الـغـلا قـو سـدي
الـحـب قـلـعـه تـمـلـك اسـوار وجـنـود=والـشـوق مـعـلـن صـوبـهـا بـالـتـحـدي
والـقـلـب سـاحـة مـعـركـه مـالـهـا احـدود=وذيـب الـمـفـارق فـوق ضـلـعـي امـعـدي
غـزوة مـشـاعـر مـابـهـا طـلـق بـارود=فـيـهـا صـراع الـذات حـيـل أسـتـعـدي
إلـيـا هـدنـت الـوقـت مـافـادنـي فـود=وإلـيـا نـخـيـت الـحـظ ألـقـاه ضـدي
حـزنـي عـلـى حـزن الـعـرب زايـد ٍ زود=حـمـل ٍ أشـيـلـه صـار مـن فـوق حـدي
خـطـبـت مـن وجـه الأمـل فـرح موعود=قـال الأمـل أصـبـر شـويـه وهـدي
فـصـل مـن ثـيـاب الـفـرح وإلـبـس أعـهـود=ويـومـي لـبـسـت أفـراح مـاهـيـب قـدي
لكن ظهر ثـم حـط فـي رجـلـي اقـيـود=أثـر الـحـزن مـالـك حـيـاتـي وكـدي
حـكـَم عـلـي الـحـزن بـجـروح وصـدود=تـبـقـى سـجـيـن الـهـم حـتـى تـصـدي
أخـذت فـي سـجـن الـقـهـر عـدة أعـقـود=أنـزف مـن اطـعـون الـقـلـم وأسـتـمـدي
لـيـن الـقـراده والـفـت شـخـص مـقـرود=حـطـت رحـايـلـهـا وعـيًـت تـشـدي
والـيـوم لاهـب الـهـوى مـال بـي عـود=أعـرف عـلـى عـزف الـقـصـايـد مـردي
صـار الـشـعـر فـي دنـيـتـي شـخـص مـوجـود=أقـدر أسـولـف لـه إذا كــان ودي[/poem]