متشيّم ومن شيمته ماطرد وز
 

السلام عليكم ورحمة الله وبركاته



[POEM="font="Simplified Arabic,5,chocolate,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]ياهاوي المقناص فز الشعر فز=ودعلوج لو تنشد سبايب مفزّه
دعلوج حر ويعشق الغُلب يهتز=ماهو من اللي يعشق ومايهزّه
متشيّمٍ .. من شيمته ماطرد وز=ويموت حرٍ مانتف ريش وزّه
أشعل ظهر وافي.. مضاريبه غرز=كفه عديم وبالفرايس يغزّه
صاد الحباري والدحاريج وخزز=طلعِه بعيد ولا تحرك يخزّه
قرناس مخلابه مضرّيه للجز=لو حام في جوّه عقابٍ يجزه
ماشنذره من عادته يطلب الكز=يكفخ على كفي شجيعٍ واكزّه
إنثى العقاب إن شافته قلبها نز=وصيده يضيق إبه الفضا من يقزّه
صاطي..طليبه لو شلع هارب ودز=ماينفعه سِبق المطير ومدزّه
يرقا سما يرقا طرب غايته لز=خربٍ شواهين أنكفت عن ملزّه
يطرد وراه ولادنى منّه يحز=جنبه بعكفن مانجا من تحزّه[/POEM]

الف صح لسانك


رائعه من رائع


أستمتعت بوجودي هنا



تحياتي لقلبك الطاهر

/
\
/



صح لسانك .. واعتلى شانك



بإنتظار جديد ابداعاتك



دمت بخير

ناصر العنزي
نص رائع
صح قلبك
احترامي

الغالية جداً

غنج نجد

ياغنج انتِ تعرفين وجودك ماذا يعني لناصر ..

صفائح الرضا تبتسم لوجودك الملكي

شاعرة غالية وحشيمة ياغنج

كوني بالقرب

فأمثالك لاأمل قربهم


أخوك ومغليك

ناصر الدهمشي

صح قلبك

على روعة هالنص

كل الغلا

أختكـ/شووق