|
سلة وجع .؟!!
ياصعبها بعض المواقف على الروح وياقوّ صكات الزمان بجبيني.؟!! |"| إحساس عابر لكن إحساس مجروح تؤلم حقيقة واقع الوقت فيني.؟!! |"| حاولت اجاري حزن الأيام بالبوح لكن لقيت الصمت يلوي يديني |"| ياعين ابوي الهم من وين ماروح ألقاه في روحي كذا محتويني |"| صحيح عايش لكن القلب مذبوح وفي كل ابو حال الحزن مبتليني |"| آوّآآآه ياصدري من الهم والنوح كن الليالي بالحشاء تكتويني |"| واحة مشاعر خاطري مابها دوح إلا عليها طير من حزن عيني.؟!! |"| وسلة وجع عمري محاصيلها سفوح ترجد شخاليله على مسمعيني |"| واصيح ويقول الزمن صيح مسموح مدام حظك مات ربك يعيني.؟!! |"| من تبحر أحلامه على قطعة اللوح ماعاد يمدي لو يشوف السفيني |"| فيني ألم وآهات وهموم وجروح من وين ابقلبها فرح ياضنيني!! |"| لا لاح في بعض الصدف بارق فروح يمسي سواد الليل بينه وبيني.؟!! |"| وأرجع على عمياي متعب ومطروح فوق التوجّد والعناء والحنيني.؟!! |
كتلة من المشاعر
وسلة أوجاع ودوحة عبق شعري وتألق بوح ذات أبيات رائعة جدا قصيدة تعانق عنان السماء يا عبد الله لك من الود حتى ترضى :) |
أبدعت في سرد تفاصيل ذلك الوجع يا عبدالله ..
صح فكرك وإحساسك .. |
صح إحساسك
وروعة الحرف جمال بحد ذاته |
سلامة قلبك من الوجع شاعرنا الكريم
تفاصيلل الألم صعبة وقد عجبت لهذا الالم كيف يطيل عمره |
اقتباس:
وصح بدنك مدد لا عدد ياجميل وعاطر مودتي |
| الساعة الآن 04:29 PM |
Powered by vBulletin® Copyright ©2000 - 2024, Jelsoft Enterprises Ltd.