كنا انا وانت والثالث الليل ويضيع كل الليل بيني وبينك حنا تعودنا على بعضنا حيل هذا انا والليل بس انت وينك |
اليا جرحوك اللي . . بليا ضماير عاملهم باخلاق لو هم بلا أخلاق الشمس لو تزعل على اهل الستاير ما كل يوم تداعب الناس باشراق |
حليت ضيف ورحت من غير تكليف واقفيت ما تدري عن اللي خذيته رد الامانه لأهل الدار يا ضيف قلبن رهيف احساس وانت ابتليته |
دمعي .. مالي .. الأهداب وانت .. عايش .. ولا همك تدري وش يعني فراق أحباب أو تدري عطني برودتة دمك |
الدرب هذا صعب وإحساسه وعر وأنا شعوري غير قابل للمساس تحبني ، على أساس أكتب شعر بُكره تحب غيري على نفس اﻷساس |
حفظتك بصدري واسولف عليهم ومن الحذر اسمك . . أمانه لو يعرفون اسمك توهقت فيهم كل ما بغوا حاجه قالو عشانه |
دراهمك لك .. واسم جدك لجدك ويش انت يوم ترز خشمك على الناس اوافقك .. بالناس مافيه قدك لأنك اصغر عقل واخلاق واحساس |
عطرها اللي ريحته تطرب الراس يستغربونه لـيـن كـلـن نشدها تراه نفس الي يحطونه الناس لكن تـغير يـوم خالط جسدها |
الساعة الآن 09:02 AM |
Powered by vBulletin® Copyright ©2000 - 2024, Jelsoft Enterprises Ltd.