|
إيه حالم
ايه حالم... والمدى يبعد... ونور الصبح ظالم إيه حالم... والعيون اصدق من الدفتر قصايد والرضى عندي وعند الناس كايد قصتي بالحلم من لاهي ولاهيّ.... جرح ياخذني وانا كل انتباهي.... إيه حالم... ايه حالم وفي طريقي جيت عالم عن خفايا الوقت عالم عند بابه شفت عالَم..... يسألونه ليش هذا مثل هذا ؟! وليش هذا ضد هذا ؟! وفي جوابه كان والم ويسألونه ليش عبد الظلم عادل ؟! وليش عبد العدل ظالم ؟! وفي جوابه كان والم ويسألونه ليش ماللراي صايب ..عند صايب لأم صايب ... وأب صايب والمصايب ( أم صايب ) عند بابه شفت كل الناس تسأل عن خفاها عن زرايعها وماها وعن سنابل سبع من سته وراها وعن حروف اسماء كتبها من قراها عند نايم كان في ذكراه حالم بعد ساعه ....جيت يمه وكنّي المملوك واقف عند عمّه قلت ياشيخ المعارف حلم والدنيا تعارف جيت يمك دلّني كان انت عارف دلني في دربي اللي مالقيته يوم حلمي ضاع مني مالقيته وين اروح وغايتي عني تروح كيف اسير وليّ ثلاث سنين ( اسير ) ضحكتي مااذكر ملامحها أبد دمعتي حبلت وجابت لي من عيوني ولد اذكر انّي قبل اغنّي شفت بالوادي ذهب ومدري آخر من ذهب شال من صدري ذهب أوعن عيوني ذهب كنت حالم قبل سنّ الحلم للبالغ وحالم انّي املك ماملك كسرى ولاادري ويش يملك وانّي آخذ عرش من عالم خيالي عرش واملك وابتدي من عند صوت اذني تحبّه وانتهي عند آخر دموعي وشيِّ(ن) ماتحبّه دلّني ياشيخ قلبي وين طبّه قبل اجيك افنيت عشر سنين من عارف لعارف بين عرّاف النجوم وبين عرّاف الكفوف وبين قاري للمعارف كل من مر بقوافل من كلامي راح دامي وابتسم لي من ورى وجهه وصدّ وراح كامي وقال حالم وانتظر ردي وانا ماني بسالم والبلا ياشيخ اعرف انّي زرعت الحلم واسقيته بيدي حلم ابوي اللي معه ميراث من ميراث جدي حلم عاري في عروق الدم جاري له مع الخافق ودقاته طواريق(ن) تجيب ولا تودي والبلا ماهو بحدّي والمدى ماهو بقدّي عيب لو سولفت لك ياشيخ عن فرق المشيب وعارضه من فوق خدي كان قلت الدمع له مجرى بخدي التفت لي وانزلت بالأرض قمّه وانفرش في كل قلب الفين ذمّه فوق ذمّه وصدعن عيني ومسّح دمعته باطراف كمّه قال ياابني من سرق جرحه لراحة خافقه لو مات حالم وكل صوت افنى مداه احساس لو مامات حالم لك وطن بالروح عند الناس قل لي ؟ قلت مدري قال لي لو كنت تدري قلت يمكن لو عطيت الناس صدري قال يمكن قلت ماضنيت يمكن وانت حالم قال لي قلي وش أخر ماتذكّر قلت سيرة راس بحباله يذكّر كان عيد الدمع يوم العين ضحت يوم ماصحّت ولاضنيت صحّت صد عنّي بين كنّي لاكن انّي وحط راسه فوق كمه قال حلمك دم ابوه المستحيل يصير دمه لاتقول انه يتيم لاتقول انه يتيم قم من فراشك ورد الحلم لأمه وبعدها لاتجي حالم واناماجيك عالم |
نص يحمل بين طياته نصل في وجه الآحلام من سن الحلم الى المشيب لبزوغ فجر الحقيقة ولم تصدق الآحلام..!! الشاعر عبدالحميد بن ناحي أبدعت بتصوير الحلم بإحساس قوي دام إحساسك الوارف |
..
صباح .. الشعر .. العطر السحر نص مدهش .. فائق الجمال قرائته فرصة عظيمة لمن يبحث عن الشعر .. عبدالحميد بن ناحي أجمل وأجزل الشكر لك أرق التحايا لقلبك .. |
حسبي الله على بليسك
ماكان ودي ينتهي هذا النصّ ابد ابد ياخي اخذتني في حلم طاف في كل خلجات النفس مثل هذه النصوص ينتابني احساس بعد قرأتها بإني وجدت ما كنت ابحث عنه |
حالم نسائم فجريه مااروع الصباح حين نقراء شعر ونعيد القراءة لنرتوي شكراً لأبداعك |
صباح الشعر
\ \ \ \ ما أروعك لله درك تحياتي |
هو : حيله صنعها القدر لا تتحقق[ كثيراً و كثيراً ] ما تخون نعلق الأمال ونحصد الألام من بساطتنا ماذهب لايمكن أن يعود ومانحلم به سيخون هكذا هي أم صايب [ المصائب ] . تقديري لهذا النص منقطع النظير . |
رائع .. وكفى ,,,
|
| الساعة الآن 03:11 AM |
Powered by vBulletin® Copyright ©2000 - 2024, Jelsoft Enterprises Ltd.