تلميحه
 

اسعد الله صباحكم والمساء




للبقاء على اتصال مع السمو


ورقه قديمه

ارجو لها القبول

.



.



.













[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الشعر يا شيـن بعـض أحيـان تنقيحـه=لا صرت ناوي تجامـل فيـه وتحابـي
والكلمه اللـي تـرد الضيـق وتزيحـه=من شانها الحرف لـه ميـدان بكتابـي
وان غاب حرفـي وغيبنـي بتصريحـه=أقول قمـة حضـوري يعنـي غيابـي
الناس متقلبّه والوقت مرجيحه=ما ودي اطوّل الموضوع بإسهابي
البارح ) اللـي طفـت عنـا مصابيحـه=في ظلمته ضاع حتى موقـع إعرابـي
والكون عمت به الفوضى على الريحـه=وانا لفوضاه ما نـي حاسـب إحسابـي
طحت ورماني تحت رحمـة تماسيحـه=زماني اللي مـا قـدر طيـب شيّابـي
ومن جور غدر الزمان وقـوّة الطيحـه=اهتز عقلي وصحت إرهابي .. إرهابي
والصيحه اللي وراها ..... مثلهـا صيحـه...؟=يبعـد صداهـا .... ويرجـع ويتهـزابـي !
مدري من الوقـت ...؟ ولاّ مـن مشافيحـه ..؟=لو أعرف أسباب ... والله لا بـذل أسبابـي
مار الغلط صار وأصبح صعب تصحيحه ..!=وفي هجعة الليل مالي كـود محرابـي
اغنـم بتالـيـه تكبـيـره وتسبيـحـه=وارفع يديني لربـي .. وارخـي اهدابـي
ادعيه فـي مقبـل العمـر ومراويحـه=وادعي على الظلم وأهل الظلم من ما بي
في عيني الكون وش ضيّـق تباريحـحه ..؟=وأصحابي أهل ألوفا ...وش غيّر أصحابي ...؟
الواقع اللـي جمعنـي مـع مجاريحـه=فاتـورة الطيـب .. علقهـا علـي بابـي ..!
( اذرى مذاريه ) قامـت تصطفـق ريحـه=طيّر شماغـي هـواه (وينفض) ثيابـي
والضلـع ) ما فادنـي قيصومـه وشيحـه=رغم المطر..ما حصل مرباع لركابـي
ممنوع عن فيض واديـه وصحاصيحـه=محدود يم المحـل فـي جنبـه الكابـي
ظلم وخطا .. والخطا مطلـوب توضيحـه=من شان ما اكذب على الغالين بإعجابي
والغالـي الله يبـارك فـيـه ويبيـحـه=فاهم وصـدره وسيـع ويقبـل إعتابـي
ما هو بزعـلان مـن كلمـه وتلميحـه=أنا أنظلم كل ساعه وامسـك أعصابـي ..!![/poem]

أهلاً بك يا محمد البلوي
و صح لسااااااااااانك ملايييييييييين

دمت ودام حضورك وتواصلك وشكراً لك

إعجابي وتقديري


.


.

محمد
حُضُورك َ الجميْل لايَخْتَلِف ُ عليْه عشرَة

مِن أجمَل النّصوص التِي قَرأتها فِي الآونة الأخيرة
دُمْت جَمِيْلا ً

b]

الغالي فعلـ(ن)محمد)
جودة الشعر وبصمتك وعمقك
لا يجعلنا نقبل اي يحاي يفسرك خطاء لان الانقياء
مثلك دايماً بعذوبتهم بلسم
عودنا لطفك وسلاست اسهابك
على المتعه والمتابعه
والبياض الي يسكن قلبك النقي لايمكن تغير طيوفه
لانك لا يمكن تلون بغيره
دايماً وابداً لرحابة بعدك متسع بالقلوب وفـيـ الصدورمعاً
لنك الزميل الوفي والشاعر الممتع
حق ً شاعر يستحق الوقوف
ومن لا ينصفك لاحاجت لك بشهادته
لان شعرك هو المتحدث
والمحامي مهما ظلو الانقياء امثالك يبخس حقهم بجحاف
وضحت ملامحه بهذا الزمن وقد
يكون مالمع من ومضات بالنص
والنص له اكثر من بعد وموضوع وجهه الميت بها
ولا غرابه على فكر نير يمتد نوره لبعد مدى يليق ببعاد والا بعاديين
كن بخير ياعذب سرد أقرأ كل نص تكتبه بمثل هذا الاحساس
والعمق كل مااحتجت لشعر
ودي لقلبك النقي
مع شكري وغلاي لك ولبعاد على حداً سوى
ولكل نقي استمتعت بعذوبة شعره وافخر بأنه زميل لي بهذا الرقي والوعي
الي يسكن كل بعادي ابعد من مايتصورنه او يفسرونه
بفكر اتقازمه حين يكون يحاول يلقن المؤمنـيـ(ن)
به ما يوافق لهواه من منطلق
ثقته بأنه مصدر الصوت وماسواه صدى
وللسف هذا نلمسه بمجتمعنا الي بعد الوقوف لشاعرن مهرج
ببرنامجـ(ن)ما اثبت لنا إن فيه صوت وفيه صدى
على سبيل المثال والاقرب لتشبيه هاولاء الببغاوات نحتاج ذايقه شعريه
وجمهور كل فرد منه مستقل بنفسه لا يكون امعه
وتابع لكل ميول مفتعل وصراخ يذكرني حين يعلو بفوضى بمن يعملون
بالحراج ويسيرون وفق سياسة من خول إن يكون قيادي
ووضع بمكان اكبر من فكره ومستواه
وضيع الشعر والشعراء وحتى ملامح الشعار المعني بالشعر
اسف على الاطاله النص يحتاج اكثر
وانا لم ادخل بتفسير النص ولكن على سبيل ذكر الشعر والعذوبه بشعرك
جراء الاسهاب بتشعب ولكن ارى انه يصب كله بمصلحة كل شعر كهذا
مع ودي وغلاي لك
خ م

[/b][/QUOTE]