ترى الشقاء للعين من شوف ايه
 

[POEM="font="Simplified Arabic,5,white,bold,normal" bkcolor="black" bkimage="" border="double,4,white" type=2 line=1 align=center use=ex num="0,black""]من عاش بالدنيا غريب (ن) بها يموت = اغرب بشر ما ينعرف له حكايه

ما ينسمع صوته ومن يسمع الصوت = ما يسمع الونات بين الحنايه

مرحوم لن قالوا بعد فايت الفوت = مدفون في قبره وهذي النهايه

محد (ن) يجي بيته بعد صار تابوت = ولاحد (ن) عرف عن قصته بالبدايه

هذي هي الايام ترسم لنا بيوت = نغرق بصوت الحب من غير غايه

مثله اعيش بعالم (ن) خايف يفوت = وقتي مثل وقته وهذا كفايه

بسباب غرو (ن) غره الحب وبشوت = عيا على نفسي تعيش بهوايه

بنت لعوب وفمها حبة التــــــوت = والعين حورى من غلاها غلايه

جيد (ن) يزينها على هز ملفوت = وعقد (ن) تزين في نحرها سوايه

والصدر من زينه تقل شي منحوت = يشهد عليه اللبس لا قال رايه

اثر الشقاء ما هو اذا فاتنا الفوت = ترى الشقاء للعين من شوف ايه

روح وخلا عالمي كله سكوت = ماغيرها الحسرات بقيت معايه [/POEM]

صالح ..

سلم قلبك على هالنص الراقي الجزل ..

لك مني كل الود ..

متعب

صالح الثبيتي


هلابك وبحضورك الوارف

صح لسااانك على هذه الرائعه


ولا هنتتتتتتتتتتت

اثر الشقاء ما هو اذا فاتنـا الفـوت
ترى الشقاء للعين من شـوف ايـه


هو به عين ما لاعبها الشقاء



صح لسااااااااانك