|
الحميدي الثقفي
لايحتاج هذا الأسم وهذا الشعر لأية مقدمه
فكل ماهنا عظيم |
شجره شجره وحدها تجلس على كرسيّ عرش الليل .. هذا الاسود الفواح لمَّن ينكسر غصن النهار وتنفطر من مكسره !! وحدها تخرج ونبع انفاسها ينساب من فستانها الكحلي.. ومن شال البنفسج .. كان الاسود شف عن ليلك .. وشف الليلكي عن ساقها الكحلي .. وشف الكحلي المعتم عن الازرق .. والازرق شف عن هذا السديم !! وشف عن .. .. عن .. وجهشت في كرنفال اللون زهرة !! إسمها ..!! وتسابقت داخل فمي الاسما .. تباهي في في سما وجه ( المليكه ) ..! إسمها بلقيس ..؟! لا.. زنوبيا ..؟! لا .. كليوبترا ..؟! لا ملكة الليل ..؟! هذا ماتقول الناس .. لكني اسميها : ( حزن زهر البنفسج .. ضحكة النرجس .. خجل ورده .. غرور الياسمين الفل متواضع .. أسميها .. واسميها دفا الريحان .. والشيح النفور .. وطيبة النعناع .. أسميها حكاية ( سرْ ) وافشاها النسيم !! |
الخامسه والثلاثين الايادمي .. يادم الرازقيه مية عام ماعتقتّك المغارس الا يادمي طلقة البندقيه حشا .. مايبورد بها كل فارس هي الشمس .. لو غربت مشرقيه هو البحر .. موطن ومنفى النوارس بقا بي من الكل .. كل البقيه شغب ضجة اولاد صرفة مدارس الا يادمي .. يادم الرازقيه مية عام مسجون من غير حارس!!+ ............... تكللت وحدي / توحدت كل تظللت جسمي / تجسمت ظل تحللت أسأل / تساءلت حل تقللت كثري / تكاثرت قل .................. اقبلي واقبلي .. واقبلي واقبلي في بياض الغموض وفي الغموض المبين صرت انا كل ما مافات فيما يلي ماتبينه يكون / كوني اللي تبين اقبلي واقبلي .. واقبلي واقبلي مظلمه مشرقه / خافيه بينه اقبلي هالة المعتم المنجلي مثل من ظل يمشي على بينه احلم بحضورك .. أمضي لمستقبلي دام راح التعب / راحة المتعبين طوقيني.. بحس بيقيني .. هي ( الخامسه والثلاثين ) بوابة الأربعين اغسليني بما رآب من زرقة الرمل وكتابك المحو .. والمحو ماتكتبين..!! واطلقيني .. مع الليل للشمس .. ياشمس صبح اشرقيني.. فلربما تشرق الشمس مني واغني : ( الا ياهلي ) ..!! صدقيني هي ( الخامسه والثلاثين ) .. بوابة ( الأربعين ) ..! اغسليني ببرد الغبش .. من دروب .. الشغب توقف الناس عند اول اعتابها متعبين احرقيني بسكينة الشك .. ابقطع يقيني..!! هي ( الخامسه والثلاثين ) .. عند اول اعتابها تفتح اسطورة الصخرة ابوابها..!! تسألي .. انت مين ...؟! افتحي الباب .. واحد من المنتمين! المعصَّر بغيم الصدف بالغوايات .. بالطيش ..!! وبلذة العيش في ( الآخر ) اللي نزل فيه .. واستوطن الذات ثم ارتحل من دم النطع .. حتى اقاصي سديم الملذات .. والولدنه..! اقبلي وغدنه مظلمه/ مشرقه .. مجدبه / مورقه .. ممحله / مغرقه .. بارده / محرقه .. كوني ابعد من الأقربين أقرب الأبعدين .. اقبلي .. كوني الاصغر الأكبر الـ .. الـ .. بلا الـ ..!! كوني مثل ماتبين .. جاهله / غارقه .. حانيه / جارفه .. هاديه / عاصفه .. قاسيه / لينه صعبة ٍ / هينه.. كافره / دينه غامضه / بينه .. مثل مستقبلي .. اقبلي : كل ماخط منحط خطين.. خط البدايه وخط النهايه ........... ركضنا .. وقفنا .. سمعنا وطعنا ..!! اكلنا شبعنا .. !! على ربوة في العقيق اجتمعنا .. نغني (( احنا وسود العيوني )) وياعيوني / عيوني!! وياشجوني / شجوني!! وياظنوني / ظنوني!! وياديوني/ ديوني!! وياسجوني / سجوني!! وياعطوني / عطوني!! لحد ماسكتوني ..!! تعبنا نغني : مشينا لعليا في ثمانين ليلة ٍ .. على شانها عليا تهون الصعايب عشرين منها تضرب الارض بالحذا .. وعشرين منها في ظهور الركايب وعشرين منها في البحور الغزيره .. وعشرين منها في الجبال النشايب وعشرين منها في بطون الشعايب ............ طاعن ٍ ف( الباهت ) المصفر وجهك .. شاحب ٍ ذابل ومنهك .. في ظهيرة يوم سبت ..!! والمدينه تطفح ارصفة الشوارع ضجة اولاد وشغب .. صرفة مدارس تحت شمس ٍ من نحاس ..! كنت بلحالك .. جسدك .. وماتيسر من ظلالك كنت تنسج من سؤالك حيرتك.. والريح تنسج منك خبت ..! كل كلمة صيف تكتب محوها .. تمحي كتابتها تتكسر مرايا من خيال الما.. على مرمى عطش مكسور كاس ..! هو من فينا البحر ..؟! قال الجسد للظل .. قال الظل : من فينا الغريق امتد وامتد السؤال وما أجبت .. هو من فينا كسر قيد الطريق..؟! ومن هو المأسور من فينا الطليق..؟! وطال .. طال الظل طال ..!! اكتظ حولك من غبار التايهين وجوه ناس هو من فينا .. ومن فينا .. ومن فينا تمادى .؟! طال طال الظل طال .. لحد ماصاح الجسد : يكفي .. تعبت.. !! ارجوك من هذا العبث.. يكفي .. تعبت .!! بعدها صار البحر صمتك فراغك والشجر هذا الدم المورق شماغك ..! والهوى كينونتك .. والأرض تحت اقدامك .. والما ينحسر عنها .. ويمتد اليباس .......... البحر باب الملوحه .. والشجر عالم بروحه مثلنا مثل الطيور .. كلنا تكوين ( لوحه ) شمس تكتب مامحيت .. وريح تمحي ماكتبت ربما كراسة زرقا / سما .. تجلس على صخرة نهار تختمر كراس ازرق في التباس المبهم .. المبهم.. لحد الالتباس |
قميص الليل دخيل ركض الوجـع والآه والضمـه ــــــــــــــــــــــــــــــــــــــــــــــــــ ـــــ ـومتابع الركض .. لاتكّلف على شاني خلاص مني ومنك الحب في الذمـه ــــــــــــــــــــــــــــــــــــــــــــــــــ ــــــــــــــ تضاعفت من جروحك قـوة ايمانـي محسوبك ان جيت وان ماجيت ماهمه ــــــــــــــــــــــــــــــــــــــــــــــــــ ــــــــــــ وش ياخذ الدمع من تغميضة اجفاني انام وادخل قميص الليل مـع كمـه ــــــــــــــــــــــــــــــــــــــــــــــــــ ــــــــــــ واخرج صلاة الفجر مع كمه الثانـي اتنفس الفجـر الاول عاقـد الهمـه ــــــــــــــــــــــــــــــــــــــــــــــــــ ــــــــــــــــــــ واركض مع الناس .. والعن خيّر احزاني كرامة النفس عندي فوق في القمـه ــــــــــــــــــــــــــــــــــــــــــــــــــ ــــــــــــ وتثور من دونها .. ناري ، ودخانـي ذبحت خيل الهوى .. واسقيتها دمـه ــــــــــــــــــــــــــــــــــــــــــــــــــ ــــــــــــــــــــــــ خليتها غصب تحمل جثة ( الجانـي ) ياحالمه في دروب العشـق مهتمـه ــــــــــــــــــــــــــــــــــــــــــــــــــ ــــــــــــــــــــــــــ عمري مهو لك رصيف احلام واشجاني عمري قصيده ( ردية حال ) منسمه ــــــــــــــــــــــــــــــــــــــــــــــــــ ــــــــــــ مافيني اوراق يامحبوبـة اغصانـي |
وهم ..
.. وأوهام .. امد خلف النافذة يدي .. أقبضها … أردها ألقى بها حفنة ظلام .. أروح للصنبور .. أغسلها أنام ..!! |
| الساعة الآن 03:09 PM |
Powered by vBulletin® Copyright ©2000 - 2024, Jelsoft Enterprises Ltd.