|
توي دريت
من قديمي وكانت في 27/1/1419هــ ولك تقيمها وإبداء برأيكم لو تكرمتم بقرأتها جيت الرياض ولالقيت الحبايب وش حاجتي في ديرةٍ مابها أحباب توي إكتشفت إن القمر كان غايب والليل موحش كل ماهالقمر غاب وتوي دريت القلب بالحب ذايب وتوي دريت إنه لهالحين ماطاب أبقى احبك حتى لو صرت شايب ويبقى الغلا في داخلي دوم ماشاب بأقسى ظروفك ماني بلك سايب بحبك انا صادق ولاني بكذاب ياللي جروحك وسط قلبي عطايب تبقى جروحك مالها عد وإحساب اليوم أنا والجرح صرنا حبايب وحنا من أول عن بعض مثل الأغراب صحيح بالدنيا نشوف العجايب دام القدر من كل شيءٍ لنا جاب خل حبنا صافي ولابه شوايب خله على وضح النقاء ياأغلى الأحباب |
صحيح بالدنيا نشوف العجايب دام القدر من كل شيءٍ لنا جاب صدقت سلطان مازلت على عادتك تحضر بصدق وبياض وليس لنا سوى شكرك صح قلبك ودمت بخير |
سلطان المضعان شاعر ... بكل اوقاتـــــك .. جزل في بداياتــك .. هنا بيت عن قصائــــــد صحيح بالدنيا نشوف العجــــايب دام القدر من كل شيءٍ لنا جاب يا سلام عليك صح الله لسانك واعتلا شانك ولا هان راسك تحيتي لقلبك برائحة الجوري اختك غنج نجد |
الله عليك ..
يابو غلا .. صح لسانك على هالشامخـه .. والجزالــه ما تود الا الجزيــل .. لله دركـ .. تحياتي |
قديمك جديد يا البناخي
لاهنت ولاهان راسك قصيدة قمة العذوبة والجزالة كن متالقاً دوماً أخوك ناصر الدهمشي |
اعجبني التأنّي في بعض المقاطع
كأنها كتبت بـ هدوء جميل تحيّاتي لك |
اختي الفاضلة
العنود ناصر حميد صح بدنك ولاهنتي على مرورك الكريم وجميل ردك الأخوي الذي احرجني دمتي بود |
اختي الفاضلة
عنج نجد صح بدنك ولاهنتي على مرورك الكريم ورفع معنوياتي بردك دمتي بود |
| الساعة الآن 11:19 AM |
Powered by vBulletin® Copyright ©2000 - 2025, Jelsoft Enterprises Ltd.