|
ياشين بعض القصيد وياثقل دمه .. لامن قريته كرهت الشعر وعلومه !! ويازين بعضه تقل كني ولـد عمـه.. من زود حبه .. جعل يومي قبل يومه! |
كيف يقوى قلبك القاسي على صـدي وهجـري وانت تدري في ليالي عمـري بدونك كئيبـة من بعد عينك ترا صار البكا بالليـل يغري والليالي ترتـدي ثوب الالم وتشـق جيبـه كل دمعة تنحدر تكتب علـى الخديـن(بـدري)! ايه بدري لاتروح..القلب دونك ويش ابي به؟! |
ماعلي خلاف اقول اللي ابيه .. من فضل ربي علي اني قوي .. الا حبك شي ما اقدر عليه .. كن حبك الضيف والقلب بدوي !! |
والاكيد اني لقلبي بيدي وديتك وعاد شوف اليوم وين الحب وداني !! يا عساني صدق ولعتك وهميتك ويا عساك بجد تعشقني وتهواني ولو تقول اني بغيابي عنك عنيتك انت همك صرت اعده((حسبة اخواني!!)) |
أبي وعد..ما احتمل فيه انتظارك و أبي ليل .. مايجي بعده نهارك ودي أدري..هي حياتي اختياري..أو اختيارك ودي أنسى..ليلة وعدك..أنسى وعدك..ما أجيك وش يضرك .. لو أخونك ..مره و اختارك عليك |
ما قلت احبك ولا قد قلت مـا حبـك احب مالي عيوني و انـت تسواهـا لو تدري اش كثر تعني لي تعرف انك اخر امـل فـي حياتـي واول مناهـا ياكثر احس ان بك مني و بـي منـك روح قسمها على شخصيـن مولاهـا! |
اذكريني لا انتهـت للـشمـس رحله مـع نـهار واذكريـني لا صـحـى للصـبح ورد الياسمـين واذكريني لا لمحتي فـي ليـالـي البرد نار واذكريني لا سـمعـتي للمـطـر صـوتٍ حزين !! |
غريبه كل حلم يمر برقادي تزورينه والاغرب كيف احلم الحلم وارجع واحلمه بعدين؟؟ قبل يومين شفتك بالمنام وقمت من حينه ونمت امس ورجع نفس المنام اللي قبل يومين !! |
| الساعة الآن 04:33 AM |
Powered by vBulletin® Copyright ©2000 - 2025, Jelsoft Enterprises Ltd.