|
رسالة : لو كان الشعر أبرة - لكانت القصيدة خيطاً يأتيني من ثقبها لاتخبرني عن الشعر ولا عن بحوره ولا وزنه ، انا قادر على تعليمك ذلك أنت وغيرك - كيف يشطبك البعض في نصف سطر ؟ اشعر الآن بما قاله مساعد الرشيدي رحمه الله : "لا تواضع للوضيع .. يضيع قدرك __ منت مجبور .. على بعض التواضع " |
- مّر الأستاذ الأخاذ .. مرّ يبسمل .. مرّ يسلّم .. مرّ وجايب معه الدفتر .. بيعلّمنا - ويفهمنا الله يكتب أجره فينا ! واحد : لاتغلط ياشاطر ! اثنين : احفظ لك شيين ! فرق الصاد وفرق السين ! والضاد أفهم ماهو ظاء ! يخرب بيته .. كنّه حاء ! قال السين : وقلنا مين ؟ قال الصاد : وقلنا آمين! غايب عنّا .. له شوطين ! ماهو شهر ولا شهرين ! يشرح وش دور التنوين ! والكسره - وش دور الكسره ! قلنا نجاريه - في الحصه مستفعلن فاعلن فاعل - أومئ وقال الخطا حاصل ! ياهالاستاذ / الأخاذ ! ايدينه تحتاج أنقاذ ! __ يعني هي الدنيا كيف ! ___ لما تصبح فيها ضيف ! دنيا مقلب دنيا أغرب ! جاي الدلخ ويشرح يرمح ! فـ الشوط الثالث يترنح ! - حتى الوزن الآن اهتز ! ياعمّي .. طزين وطز ! __ |
قلت : البارح قالت : جارح قلت : أتأسف قالت : مُنصف ! ظالم حيل .. تتركني لانياب الليل ؟ مااقسى قلبك ياشاعر ! ماتعرف حالات الأنثى ؟ لما تقول إبعد : خليّك ! لما تقول أكرهك تحبك ! لما تبكي .. تبغى ايدين تمسح وجنتها باللين ! وأنته يعني .. ماكودّت ! تبغى تبعد .. ماصدّقت ! أبعد طيّب .. هيّا روح ! والله .. والله مو مسموح ! والله مااكلمك .. لساعه ! مع أن الساعه : عامين ! |
- ياما .. بكت كفّي ! عيّيت ماتعفي ! ياما نزف صدري ! واهديت لك عطري ! وتنفسوه .. الناس ! وتكابرت .. ريحك ! كم توجع الأشياء .. لا من خلت منّك ! كم تظلم الدنيا.. من اغربت .. شمسك ! وتخيل الأسماء .. شِف .. كل هالأسماء ! فجأه : تصير أسمك ! وأنادي لوحدي .. وتجاوب أيديني ! ويردني .. كتفي من يلمسه كفّي ! أحيان أحس الريح .. تهمس له ب تلميح .. أثبت وأصحى تطيح ! قِلي : وش آسوي ؟ لا عمّت الفوضى ! في مملكة جرحي ! شوف الحزن .. هذا وحدي.. تسيّدته ! وحدي كذا .. عشته ! وحدي تنفسته ! أكلّته .. ضلوعي! شرّبته .. آويته ! حتّى تشرّبته ! آخيته .. وربي مافيه أحد كثري جاوب على أسئلته ! ويناقشه .. غاضب في وسط صومعته ! قل بين " أورِدْتَه " كل شيّ أورَدْته ! حتى حَزن منّي ! فزّيت به .. رحمه ! أزريت لـ آلمّه ! وازريت عن شتمه ! وانا تعاظمته .. أنا .. كسرني الحزن ! لكنّي : أجبرَته ! ضِيفي .. بعد زولك ! قلّطته .. أكرمته ! - - من بعد ماقلته ! هاللي لك : أسقطته من أسفل عيوني من عالي .. أيديني .. ابسألك .. قلبي ! بالله ماشفته ؟ له عام .. ضيّعته ! |
من التقييم : وربي انت حين تمطر كملك لا يعرف اسراره سواه - صالح أنت تكاد تكون الأصلح لقراءة هذا الشعر وأعلم أنك تعلم لكنك تتواضع بكبرياء .. دمت قريب من القلب دائماً .. |
في قريتي التي في أقصى الحجاز وبداية الجنوب ، شجرة حنظل لاتثمر بالتوت ! |
[ عن الأُغنية ] - الأغنية ترجمة فعل ومحاولة شرحه وإيصاله بطريقة صوتية وموسيقية لكن لاقيمة لها بدون الفعل .. الشاعر هو الأصل . الشعر هو البذرة الأساسية، والقصيدة شجرة، والأغنية قد تكون أحدى الثمار، ولكن بالطبع ليست كل الثمار قد تكون أفضل ثمرة وقد تكون أسوأ ثمرة .. |
عن حبيبات الشعراء في قصائدهم : حبيبة بدر بن عبدالمحسن : تود معرفتها وحبيبة مساعد الرشيدي : تتمنى رؤيتها [ قايد الحربي ] |
| الساعة الآن 04:55 AM |
Powered by vBulletin® Copyright ©2000 - 2025, Jelsoft Enterprises Ltd.