عليك الضو يتسلط لو أنك ما تبين الضو
عطاك الله " كاريزما" يا هنيا لك و ياسعدك..!

يجون الناس قبلك و أن حضرتي كنهم ما جو
و كل اللي يجي قبلك يعلم من يجي بعدك ..!

محمد بن شتير

/

/


جتك يا عبدالعزيز اغلى نياقي
شفّ بال اللي يفتش عن مراده..!

راكب اللي ما ركبه أهل الطواقي
مركب أصحاب المعالي و السعادة ..!

رنج روفر ما بقى للوصف باقي
ما على شرواه من صنفه زيادة..!

ما يخيب هقوتك لا صرت هاقي
و ما يبي مني و من غيري شهادة..!

شي فاخر، شي ساحر ، شي راقي
رقم واحد فالفخامة و الريادة..!

كن وجهه وجه جدي ف/ الملآقي
يوم جندل جيش ابن شاكر وابادة...!

و صوت سلفه صوت لمواطن عراقي
كان يتباهى بصدام و بلاده ..!

و البدي معزول في جو انغلاقي
داخله عن خارجه معلن حيادة..!

لو تدور لأي غلطة ما انت لاقي
غير مدلول التميّز و انفراده ..!

محمد بن شتير

مالت الشمس بشفقها للغروب
وانطفى نور السماء و النور راح..!

يالكويت الحزن في صدرك يجوب
لا طلع نور الصباّح إبلا صباح..!

محمد بن شتير

من متى؟ و الغيم ما مر البروق
و المطر ناسيه ، ما عاد اعرفه..!

لا تشوف الناس تحتك وانت فوق
طالبينك، خل عنك العجرفة..!

عنك نسال كل طيف و كل موق
و المشاعر في غيابك مسرفه ..!

اعنف انواع المشاعر فالخفوق
شي ما يقدر شعوري يوصفه ..!

محمد بن شتير

بيني و بين الناس شاشة موبايل
فيها صور واحداث واسماء وآحساس..!

اقلّب الجوال و اقرى الرسايل
و امرهم لا مر فالبال هوجاس ..!

صنع اليهود اللي مسوي هوايل
ياخذك من نفسك يوديك للناس..!

يا ليتني عن غيّره املك بدايل
و ارجع اكلمهم من الراس للراس..!

محمد بن شتير

يا الغايبة ما سالتك راجعت لي متى؟
وبال الحجازي و صدره فالمحبة وسيع..!

ما جابك الصيف عادي ننتظر للشتاء
ما بين فصل الخريف و بين فصل الربيع..!

محمد بن شتير

بديع الطين ياللي كل يوم بشان
تطوف الأرض بين النار و الجنه..!

سماوي روح لو تبعد عن الشيطان
مع اللي يطلبون العفو و المنه..!

أنا المشغول بالدنيا و أنا الانسان
يقينه يخّلف الهقوات في ظنه..!

محمد بن شتير

كلمة تجي في غير موضعها
مرت بلا قيمة و لا عنوان..!

غلطان لو فكرت اطاوعها
ولو ما اطاوعها ف/أنا غلطان..!

خلوني لوحدي وانا معها
لين اربط الاشكال بالالوان..!

تتكلم الجدران و اسمعها
من فيه ؟ مثلي يسمع الجدارن..!

محمد بن شتير