منتديات أبعاد أدبية - تعال واكتب حالتك/لحظتك شعراً ..!

:

لك وحشة ٍ يانور عيني عـن النـاس

ولك لهفة ٍ عطشـى وترجـي حنينـك

يسكن غلاك القلب كلـه والاحسـاس

تنطق شفـاي الوجـد لاشفـت عينـك

زاهي بقربك شامـخ ٍ رافـع الـراس

كني ملكـت الكـون فـي وجنتينـك

ماللحزن في طلـة الزيـن مجـلاس

خذت الغلا برضاي واصبـح سجينـك

اشرب غلاك اليوم عطر ٍ من الكـاس

كـاس المـوده والغـلا فـي يمينـك

اجمل هدايا الكـون قلبـك والانفـاس

كنه سحـاب ٍ ماطـر ٍ فـوق زينـك

لك كل مافيني وقـدرك علـى سـاس

ولك عمري الحاضـر ولـذة سنينـك

في حضرتك طاب الشعر دون هوجاس

ينثـر عبيـر الشـوق بينـي وبينـك

محمد الغشام

02-10-2010 01:06 AM

,

حزين الصبح والذكرى تحيط من الغياب احساس
... ... ... حكاية ودّ في فجرك , حكاية روح ممطوره
انا هاليوم في بعضي يطيح من الصدر انفاس
... ... ... وانا اتْضايق اذا صدري شهق غيمة ألم / سوره
حقيقه والغياب المر اذا بعض الوفاء ينقاس
... ... ...انا كلي وفاء [ سلمى ] على شانك كتب نوره

بثينة محمد

02-10-2010 02:05 AM

الغريبة إن قلبي يبيعني و يجيك عنوة ..

مشعل فايح

02-10-2010 03:11 AM

بشويش ادهده ثاير النبض بشويش
عن مسمع الجيران والليل ساكن
اقسى العمر.. انك مدى تعمرك اتعيش
قلبٍ بنبضاته تضجّ الأماكن

صالح العرجان

02-10-2010 06:37 AM

اصحاب ضاقت دنيتى ماتبى اصحاب
من يوم صاروا للبعيدين دونـي؟

http://ro7elb7r.jeeran.com/ثَغْرٍ%20الوٍُرٍٍدِ.gif

منتهى القريش

02-10-2010 07:32 AM

أستغفرك ذنب
وارتكبك خطايا
واكفر بمن حولي
وتبقى يقيني