![]() |
ياسيدي العابر !
عطني فرح...لله ! ثوب الفرح ..فاخر! وانا لبست..الآه ! لاتقول .. ياشاعر! ابياتك..مغنّاه ! هذا الشعر..كاسر! واللي إنكسر..جوّاه! #سعيد_موسى |
كنّك ذنب ...ومريتي! قلبي العبد ...المستغفر! شعرك يتشيطن ...واقفيتي! واحساسي جداً ...متوتر! انوي التوبه ... وإن جيتي! أُفتن فيكِ .. واتبعثر! |
البقى ثم البقى ثم البقى ! كن هذي الأرض تنفي آدمي! يسقي الله يالحنين اللي مضى! والله إني كنت مهديك قْلمي ! #سعيد_موسى |
بالله ياصدري أعيذك من " الناس" لو كنت تعشق " مُسلمه" واذنبت فيك! أعيذك بربي ... ولايدخلك " فاس" يجتث بك طفلٍ بريءٍ .. ويرميك! #سعيد_موسى |
طاح الحطب .. عادي! وأغصاني .. أغصاني الفاس مو فاسك؟ حطّابة ... أوجاعي؟ طاح الحطب.. لكن! وش ذنب هالنبته؟ شكراً على جروحك! شكراً على الآمي! الفاس مو فاسك؟ حطّابة أوجاعي؟ هذا ... أنا واقف .. فاتح لك ذراعي! لآوصي إيدينك .. لاتتركي غصنٍ إلا إنبتر باايدك! إستمتعي .. عادي ! بالله مو ذنبي ؟ ماهو أنا العاشق ؟ اللي إنكسر قلبه ؟ هي تفرق أغصانه؟ هي تفرق أفراحه ؟ هي تفرق أوجاعه؟ الفاس مو فاسك؟ والكاس ذا كاسك! هاتي بعد أكثر ! الله يالدنيا ... منك الجروح إنتي؟ ممنونك .. وعذراً ! لو سال بك دمّي ! لوثت يدينك .. من زمزم جروحي! باكر لنا .. موعد ! لاجار بك وقتك ! وإن هو خلص غدرك ! بالله لاجيتي " لاتفتحي الماضي" خليني اتطّهر .. ولنفسي أتعذّر ! احتاج لي أعوام ! آداوي الآلام ! وأحتاج لي ذكرى " ذكرى تكون أجمل" ودي أكون افضل .. والله كنت أجمل ! حتى كسرتيني .. يافاضلة شكراً ... أهديت لك عمري ! رديتي المعروف .. طعنه بليا خوف ! معذوره ... مشكوره ! روحي بعد تغري! هي طيبة جداً .. هي ناصعة جداً! والله .. ماالومك ! " حتى الزمن دوّار " لامن كسركِ فاس ! قولي " جرحت إنسان .. قولي كسرت إنسان .. ! و الدين " عوّد لي " #سعيد_موسى |
اللي تخون ... " أفعى " ياسيّدي الفاضل من يأمن " الأفعى " غلطان .. يستأمن ! كل الجروح " أنثى " ياسيّدي الفاضل! صدرك لها مأوى ! والسم .. في روحك ! أقذر عباد الله ! من توهبه .. قلبك ! وبغفلتك ... يدميه ! سكّينه .. بيديّه " وإنت آمن .. وغافل! ياسيّدي الفاضل ! كل الجروح " أنثى " لو للجروح " أسما " |
ماطاح هالليله كلام ! قل طاحت خيام وبدو! به كلمةٍ تنخر عظام! واشياء ماسرّت عدو! روحي عسى دربك سلام! رماحك بصدري افسدو ! #سعيد_موسى |
والله ماهو شي عابر وقفيّت! ..... الا لأني شفت شخصٍ مكاني آسرتها بالنفس عنك.. وتعدّيت! ..... كم كلمةٍ ماتت .. وهي في لساني! |
الساعة الآن 07:44 PM |
Powered by vBulletin® Copyright ©2000 - 2024, Jelsoft Enterprises Ltd.