أنا ولد من فعلهم يرفع الرأس
إليا تفاخر كل واحد ب/ساسه ..!

أبوي لو شفته مع باقي الناس
رفعت رأسي كل ما شفت رأسه ..!

محمد بن شتير

رجلك على الدرب لا تخطيه و تزله
المجد ماهو سوالف ( خذني و هاتك) ..!

بدال ما تفتخر بفعول خلق الله
دور على شي تفخر به مع ذاتك ..!

محمد بن شتير

محتاج ترسم لي سماء ودي أطير
الأرض تجذبني .. ( بلا ) جاذبية ...!

هبت من القبله علي المشاوير
بين الحجاز و بين نجد العذية ..!

محمد بن شتير

أنا على حسن ظن اللي يخاويني
بالأمس واليوم و إلا من بعد بكره ..!

وأن شفت لي شخص همه بس يأذيني
ب/ العب على عامل التوقيت و الخبره ..!

محمد بن شتير

ما ابيك تكتب لي و لا تقراء لي
ولا نبي حلو الكلام و رده ..!

و لا ندور غير ستر الوالي
زاد البلى و الشر ب/اخر مده ..!

كم فيه واحد في الزمان الحالي
فعله بري من فعل أبوه و جده ..!

محمد بن شتير

ما فيه أحد يعجبني أن صرت موجود
و ان غبت عني ما أبي شخص غيرك ..!

وحدك حبيبي و الغلا فيك مفرود
لكن امانة ~ حطني في ضميرك ..!

محمد بن شتير

باسم الظلام اللي خطف لهفة الضي
( مليون رحمة ) وأنت توك صغير ..!

ما كنت اظن بنجتمع ميت و حي
و من عالم البرزخ تجيني مسير ..!

خليتني ،، قبل الثلاثين بشوي
ما غير افكر ف/الزمان المحير ..!

تفكر أنه ،،، ما تغير و لا شي
و كل شي في غيبتك عني تغير ..!

محمد بن شتير

عنك لو جيت افتش وين ابلقى بديل ؟
و أجمل ايام عمري فيك ضاعت سدى ..!

كنت أحبك و أشوفك في عيوني "جميل"
و فيك ما كان ودي يشمتون العدى ..!

جرب الحزن عيشه لا نويت الرحيل
من هو اللي حبيبي بالمفارق بدى ..!

حسبي الله على حبك ونعم الوكيل
دام بعدك منافي و أقترابك مدى ..!

محمد بن شتير