|
من صعب وصلك ما تهنيتك احـلام وان جابتك فزيت شـوق ومحيتـك يعني وصالك صعب واهدافي اوهـام يعنـي زرعتـك للقـدر ماجنيتـك صبرك يقولون العرب كـل الايـام يوم عليـك ويـوم لاجـاك جيتـك ويا قلب ياللي ورثك اجـروح وآلام بليتنـي ماهـو بانـا اللـي بليتـك ولعتني من عادني في الهوى خـام واسرفت بي وانا خطامـك عطيتـك طعتك وزبدة طاعتـك هـم وهيـام مالله كتب لي واستخرت وعصيتـك لوللقلـوب اسـواق بايـع وسـوام لاابدلـك وان جيتنـي ماشريـتـك والا انت ياللي جيش عينيك مقـدام لا اقنعت منـك والرجـا مارجيتـك كني سجين بين..افـراج ..واعـدام وكنك سجن وانـا بنفسـي بنيتـك تنبيك عن حالي محاصيـل الالهـام وتخبرك نظراتـي نهـار التقيتـك عقب الوصال اللي على عين من لام قدهو يكفيني عن الوصـل صيتـك وقدني الى مريت بالشـارع العـام لديت من ما في الضميـر ودعيتـك ادري ان صوتي ماقطع عشرة اقدام وادري بي اعود الى مـن نصيتـك ياشينهـا يامحنـيٍ راس الابـهـام ماقدر على شوفك وانا عنـد بيتـك الاعمار ما تضمن وانا اخاف الاحكام ارثيك خـاف اودعـك مـا رثيتـك |
سولفوا تكفون لا عاد تسكتون .. .. قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. .. مرةٍ قدامي ومرة وراي وإن سكتوا جا وهو طيفه يمون .. .. رحت أهوجس له وأبين له ولاي مكسب عيوني من الفرقا مزووون .. .. تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. .. وإلا أنا فيه أمتلك نظرة وراي كان حبه لي على خبري مصون .. .. والله ان كني بقدري .. وبغلاي ذي بقايا الحب وأطلال الجنون .. .. والله أعلم في ضميره وش بقاي غير طيعوني ولا عاد تسكتون .. .. ولا والله إن أسمعكم بكاااي |
اسمع......ولا ابغي اللي وزانك يسمعون ربي كتب يكشف لك اسـراري وجيـت صورة عديل الـروح عنـدك فالعيـون واخاف تقطعهـا بموسـك مـا وعيـت ولا عليك امر..اطوهـا تحـت الجفـون وعقبه لو تقطـع عيونـي مـا شكيـت هي راس مالي والعـرب مـا يدركـون اني على بـاب الممـات و مـا حكيـت ياقـو قلبـي يـوم قـفـن الضـعـون اللـي علـى ذاك المـوادع مـا بكيـت ويا صبر صبـري والعـواذل يحسبـون اني دلهـت مـن الهـوى والا سليـت اسكت عساهم مـن سكاتـي يسكتـون وانا عن اللي في ضميري مـا انتهيـت وادور الفرحـه مـع اللـي يسهـرون وان ذكرونـي خـذت فنجـال وسريـت اخذت من وقتـك يـا دكتـور العيـون عالج عيوني لـو بعـد طبـك عميـت واستر علي واللـي معـك لا يفطنـون انت الوحيـد اللـي بعـد ربـي دريـت |
ياهيه اللتفت لي واسمع ادعاي لـك ياهيـه ترا عـادك بتشبـع مـن البعـد وتواجـه دعيتك بصـوت ٍ ياصلـك ليـه ماتوحيـه وانا اسمع ضلوعك من صدى الصوت لجّاجه عليـك الفـؤاد اخلاجـه مصمّـخ ٍ راعيـه خـف الله فـي راعيـه ماتسمـع اخلاجـه ترا العفو قـد جـاك اولـه واغتنـم تاليـه وترا الحلم بحـر ٍ غيـر لا تامـن امواجـه وترا الود ليل ٍ مظلـم ٍ جيـت لـك ساريـه سراجه وصـاك والجفـى ينفـخ اسراجـه وترا قصرنا اللي كم سنـه نجمـع ونبنيـه هوى الهذل طيّـح بابـه العـود وسياجـه لي أيام مـدري ويـن دارك ولا ادري ليـه وانا خابـر انـي بـاب شفـك ومزلاجـه غيـاب ٍ بـلا سبّـه هجـاد ٍ بـلا تنبـيـه وجفا أغلا العرب نار ٍ على الكبـد وهّاجـه نضج قلبي من البعـد وش حاجتـك تكويـه جفاك الجمر والصبر فـي بعـدك الصاجـه طبـع حبـك بقلبـي والايـام مـا تمحيـه هـذا هجـرك يحـاول يموجـه ولا ماجـه يموت الأمـل لكـن ضنـون الغـلا تحييـه وعروق الوفـا فالـروح والقلـب وجّاجـه خبرتوا حـد ٍ يبكـي علـى واحـد ٍ يبكيـه وخبرتوا حـد ٍ مسجـون مايبغـي أفراجـه احبه ولا ابغضتـه علـى شيّـن إيسويـه ولا زالـت ارقـاب الرجـا فيـه منعاجـه عسى منزل ٍ ضمه حقـوق الوسـم تسقيـه وتضحك له الدنيا وهـو يضحـك أحجاجـه فقد خاطري شـي ٍ مـن الضيقـه مسلّيـه وغدت روحي من النـاس والليـل هجّاجـه اروح لمكـان ٍ خابـره ..خابـره ياتـيـه اسوق القدم صوبـه وهـي مالهـا حاجـه مكـان ٍ نزيـه وأول مواجهـي لـه فـيـه وانـا خابـر ٍ مارجـل مثـلـه بـدواجـه لعل وعسى مـا حدنـي للمجـي ..يدعيـه واشوفـه وانـا مـاودي اسبـب احراجـه يحب الجريح آخـر دروب اللقـاء ويجيـه وتحـب القـدم جيّـة مكـان اول مواجـه |
يسعد مسافات الشعر .. حين طليت ياغامض ٍ من غاد ... بوضوح من جاي .! بلاك متردد .. و بلواي حبيت ولا طمع بلاك .. الا فــ بلواي ماغير .. انا و طاريك .. ســّواا.. وسويت كل ليلة ٍ يـقـّـبـل .. ويبحث خفاياي مديت .. لك كف الغلا .. صدق وارهيت يا جاهل انك نور .. شعري وظلماي ما زلت اجيك بشوق ... من كثر مـ اغليت امشي .. ولا ادري وين بالضبط .. ممشاي .! |
،، تعال .. وينك والجفا .. جـــو .. خايس ضغوط نفسيه .. وضيقه .. وحيره تعال ... شفني بينهن صرت .. حايس يا حاكم .. وقلبي .. للاشواق .. ديره تعال .. واشواقي.. لــ حزني .. فرايس من غبت .. مالي .. غير سيرتك .. سيره |
،، لاوالله الا توّ مابانت ( سعـاد ) . !! وتو الهوى مـاوّرد (زهيـر) حتفـه قالت من انت..؟ وقلت يابنت الاجواد انا القويّ اللـي قتـل فيـك ضعفـه وانا السهير اللي تعـداك .. نشّـاد يطرد نهار ويلهـث الصبـح خلفـه نجمه يغيب وضيعتـه فيـك تـزداد ولااشعل سراجه يصرخ الليل.! طفّه سجين هم ولابـس.. ثيـاب جـلاد نصفه ذبيح .. وذابح الموت نصفـه تلميذ مهمل يشرح الدرس ل استاد .. بليد . ! واذكى مـن تلاميـذ صفـه وانا الموقع جرحي ادناه .. من غـاد الشاعر اللي طّـوع الشعـر حرفـه اصعب حروفي لاركب راسـه عنـاد يلّذ لـي لاعسعـس الليـل عسفـه اعزف لموتـه اغنية..عيـد ميـلاد واسمع صدى صوت النغم قبل عزفه بالصدر طفل يسحب خطـاه بركـاد وبالعجز ريح يرعب الكون عصفـه لي صدفة احلى مـن الفيـن ميعـاد ولي موعد احلى من الفيـن صدفـه وبالناس لي انصاف واقران واضداد وكـل يفسرنـي علـى قـد عرفـه وبي جرح ماله غير نزفه له ضمـاد وشلون اطيب..؟؟ ولابعد كّف نزفـه واللي بعث هود ل(ارم ذات الاعمـاد انا بزمن يشبه زمـن عـاد وصفـه أصدق من الدمعه على خّـد.. بغـداد واكذب من اللي شافها وغض طرفـه غربه. وهم. حيره. ألم. هم. واجهاد طالـت وضاقـت نسـأل الله لطفـه ويابنت انا.. طارق مثل طارق زيـاد لولا الذي قضبّنـي الجمـر كفّـه.!! والله يلولا. خاطر عيـون الاوغـاد ل اقطف لك اللـي ماتمنيـت قطفـه |
البارحه يوم اكثـر العالـم رقـود ................. عادت علي اللي تجي منين مـدري الضيقة اللي كل ما راحـت تعـود ................. مكانهـا ما بيـن قلبـي وصـدري ناسٍ تنام مدهنه في دهـن عـود ................. وناسٍ تنام مدهنه بزيت مقري ..!! |
| الساعة الآن 11:07 PM |
Powered by vBulletin® Copyright ©2000 - 2024, Jelsoft Enterprises Ltd.