وليدة اللحظة الان!!

لاصار قول الحق ماله مكانه
ضاعت مضامين الوفا والرجوله


لا عاد تنشد وين راع الامانه
مر المقابر وافهم اللي نقوله


لا تنخدع باللي فصيح ٍ لسانه
يهرج ونفسه ماتبيّن ميوله


اللي لبس بشت الفخر والتكانه
ليته يشيل الكايده من حموله


محمد_الثوعي

مجرد شخابيط فورية!

رتق حروف الشعر باجمل عباره
ارسم صوّر وافكار هات القصيده

من يشعل الانوار ثابت مساره
يجعل مساءات المشاعر فريده


محمد_الثوعي

الزعل.. لا صار... يومين .وثلاثه
لا.يطوّل ثم ...تزعلني ....عليك
خل عنك الشك... والغيره غثاثه
ابتديتك حب .... عمري ينتهيك
ماعرفت الغدر.. ودروب الخباثه
جيت لك عاشق.. وقلبه يحتويك
قلب من ..حبك تمسك في تراثه
انت لي ..حاجه ثمينه وافتديك
الوفا والطيب عندي .....بالوراثه
والمشاعركلها .....منك ....واليك
انت حبك بالفعل صعب.. اجتثاثه
من ... فؤاد اللي عيونه.. تحتريك
بس وقت الغيض شوقي وانبعاثه
يندفن بين.... الحنايا.... مايجيك
لا شعر تسمع .ولاخلق .... ودماثه
طابت .الارواح دوّر من..... يبيك


محمد_الثوعي

قد ما تقدر دخيلك ......حبني
.....قلب يستاهل ويسعدني .عطاك

ضمني بين. الحنايا......خبني
.....لايموت العشق من قسوة.جفاك

لا تهد الحب صعب ٍ .....ينبني
..... تنقض السيسان ولايعلا....بناك

وش بقى بالعمر تكفى...ضبني
...... راحت الايام و المقصد..رضاك

ربك الله في غرامك ......ربني
...... لو عصيتك مرة ٍ صدّر....جزاك

لو تركت الوصل ليله ......نبني
...... قبل ماترسل عتابك..وش بلاك

في دروب الهجر تكفى....ذبني
...... لو عيوني بالهوى تنظر...سواك

في ضلوعي برد هيا .....شبني
.....ودي في نارك ويبهرني ....دفاك

ذاب شمعك في شفاهك صبني
.....العسل والتوت موجود ...بشفاك

ما أبي بردك أمانه ......كبني
..... اتقلب وسط جمرك من ...غلاك


محمد الثوعي

قالت احبك. قلت .. ياباشة. .الغيد
.......ادري ..ولكن .. . مجتمعنا ..منعنا

قالت. احبك..قلت.. سور ..التقاليد
.......سوى.. حواجز. .بيننا. ..وانقطعنا

في. سابق ... الايام .. كنا. .اجاويد
.......احباب. من نزف المشاعر.صدعنا

عذبنا... شباك ...السهر .. بالمواعيد
.......ياكم ..نسولف ... ليلنا ... ماشبعنا

سوى...قطفنا .... حاليات العناقيد
.......غبنا. عن أنظار. المسا من طمعنا

قصة... غرام . اثنين عشنا ،مطاريد
.......نسيت. كلي. معك... لوكنت ،معنا

امالنا... مركب..سفر ..طافت.. البيد
.......عزم..الشباب. اللي تحدى. ودفعنا

واليوم. من كثر..العتب..والمناقيد
.......ماعاد..نسأل. عن. سبايب . وجعنا

احلامنا .. شابت. .وكانت. .مواليد
.......والياس .. دربه...ياعيوني ...جمعنا

يمر... يوم ...العيد ... ماكنه ..العيد
.......وين..الفرح..والحب . ياعيد ..ضعنا


محمد الثوعي

لاصار قول الحق ماله مكانه
ضاعت مضامين الوفا والرجوله

لا عاد تنشد وين راع الامانه
مر المقابر وافهم اللي نقوله

لا تنخدع باللي فصيح ٍ لسانه
يهرج ونفسه ماتبيّن ميوله

نفوس بعض الخلق صارت مُدانه
بالكذب والتزوير تصنع بطوله

شخص ٍ يصدّر كل يوم ٍ بيانه
وان قال كلمه شلته صفقوله

لو كان ماعنده قرار وحصانه
انسان عادي بس يملك سيوله

ضعيف من يتبع قليل الذهانه
يركض بلا وجهه ومتعب رجوله

الصدق والايمان وايضا الفطانه
ترفع مقام الرجل يلقى قبوله

بين الرجال اهل التقاء والرزانه
محفوظ قدره منصف ٍ في حلوله

واللي لبس بشت الفخر والتكانه
ليته يشيل الكايده من حموله


محمد_الثوعي

الحاجه ... اللي بقلبك لاتبدّيها
اصبر وخلك على ماقيل متغافل

بالعقل دير الأمور اللي تعانيها
هذا الزمن بالغرايب . دايم ٍ حافل

الكلمه اللي يغث القلب طاريها
يحرص عليها ردي الفكر والسافل

اللي مضيّع علوم الطيب منفيها
ابعد وخله ... مع الساهين متنافل

والنفس بالصدق والاخلاق تبنيها
مادام جهدك مع الاجواد متكافل


محمد الثوعي