احيان اقول اني معك مثل ظلك
...............واحيان اشوفك ظل دايم تبعنا!

اقرب من الانفاس عطرك وفلك
...............وابعد من الاحزان حب ٍ جمعنا!

اظماك واشرب ياحياتي واعلك
...............المنهل اللي عذب مصدر. ولعنا!

لو كنت غايب في غيابك أدلك
...............مكانك ...ماتغيّر ...بالقلب ..معنا!

هرجك دواء للنفس واللي يملك
................ماله فكر واحساس مافيك يعنا!

اعرف تفاصيلك واحبك واجلك
................اغراب لكن مع بعضنا انطبعنا!

من دار واحد واضح ٍ من سجلك
...............جينا...بدار ..اجناب.محدٍ نفعنا!

شفتك وحيد وتنتظر من يقلك
...............في بهو فندق بعدها ماانقطعنا!

رفعت قدرك فالخطأ ما استزلك
................واليوم ..حنا .للوطن قد. رجعنا!

لوقلت كلي يتبعك وانت كلك
...............بالقلب ..حاضر لكن اليوم ضعنا!


محمد الثوعي

جديد

بعد عشرين عام!!!


بعد عشرين عام اليوم جيتي
بعد مامات حبك وانتهيتي

تذكرتي بقايا الشوق دمعه
بعيني في وداعك مانسيتي

بكاك القلب يوم انه عصاني
عطاك الحب لكن ما اكتفيتي

كسبتي قلب شاعر ماخسرتي
بخيله في المشاعر ما عطيتي

لبست الحزن اعوام ٍ عديده
اكابد لوعتي وانتي جفيتي

وعشت التجربه لو هي مريره
قسى قلبي مثل منتي قسيتي

ماعاد اسأل عن الغيّاب وازعل
مافي شي ٍ يزعّل لو دريتي

ضحك وجه الزمن والحال طيّب
لقيت اللي حفظ ودي وصيتي



محمد الثوعي

لايموت الصوت فينا يا جهاد
...............صوتنا بوح المشاعر ياصبي

السواد اللي لبسنا في الحداد
...............صار رمز ٍ للكرامه وش تبي

انقسمنا صرنا نصفين ٍ وكاد
...............نصفنا مشلول والاخر غبي

كل عثرة تنحسب كبوة جواد
..............ويا كثر عثراتنا بن يٌعربي

نارنا صارت رماد ٍ في رماد
..............مابقى . علم ٍ يحقق مطلبي

المداد الحبر ما غيره مداد
..............كلمة ٍ قد قالها الشامخ ابي

سامع ٍ هرجه وانا بسن المهاد
...............قبل ماينطق لساني اوحبي

بجهز العده معاكم والعتاد
.............وان عثر حرفي تعلق بشنبي


محمد الثوعي

ياللي خذيت. الحسن واشياء كثيره
........الطيب كله .من..نصيبك..والاخلاق

وجهك تباشير الفـــرح.. تستثيــــره
........واضح على وجهك تعابير .الأشـواق

من ضحكتك طابت قلــوب ٍ كسيـره
........من وجنتك شمس المحبه والاشراق

فارق ..جمالك ..عن .بنات الجزيره
.........مركزك.الأول..داخل القلب ماضاق

يومك .جلستي .تنقضين .الظفيره
.........شلال..شعرك فوق. الامتان دفاق

الخصر..ضامر..والشفايف..مثيره
.........والخد ..يلمع .بالمساء مثل ..براق

الصدر ..ميدان ...الخيول .المغيره
..........في كل جانب نهد .بارز .وعملاق

كل ..المشاعر ..في ..غرامك اسيره
.........كنك ملكت القلب بصكوك وأوراق

اسوق.. لك ..ورد..الشعور .وعبيره
........بابيات ..شعر ٍ..عابره .كل .الافاق

العاشق ...اللي ...مايقرر ...مصيره
........لاخير .في عشق ٍ بلاوصل وعناق

كلمة..احبك ..ياهي ..كلمه. كبيره
........كل ٍ ..يعبّر.. عن ..شعوره بمالاق


محمد الثوعي

فاتك. قطار. الحب ماعاد يمديك
.........تلحق. وتركب. في قطار.. الموده

حجزت لك.مقعد وقلبي.يحاكيك
.........يقول. وينه ؟.كيف.. .حبي..يهده

ضيعت دربي.والمسافه.خطاويك
.........طال انتظاري .ويش .عذر ٍ.تعده

لو كان ظرفك من يبدد مساعيك
.........كل ٍ.يعاني ..من .ظروف ٍ .تحده

قبلك تحديت الصعب والشرابيك
.........النفس في وصل الحبايب مجده

بالقلب. مالك من .منافس يباريك
..........كل .المشاعر..ترتقب..لك بشده

افنيت عمري في غرامك واناجيك
...........الجرح ينزف قلب شاعر..تقده

يرتاح ..قلبي.. لوصفت له ..لياليك
..........الحظ ..عاثر .والليالي ..مصده

عندي .كرامة نفس ماني مواليك
..........قلبي على .درب المفارق تحده

ماعاد. لي.رجعه ولا اقدر اناديك
.........فاتك...قطاري..حيلتي ..ماترده


محمد الثوعي

باقي بالخاطر مكانك والوفا ماله حدود
والله انك في خيال الشاعر اللي مانسا


حنا بايام السعاده كم بذلنا من جهود
يوم قلبك ماجحدنا كان وافي ماقسى


كنت لي كلك مشاعر حب والفرحه تسود
مانقصر في بعضنا لا عتاب ولا أسا


كم تبادلنا هدايا الوصل والدنيا تجود
من عطا للخل قلبه بالوفاء قد اكتسى


مستحيل انكر غرامك والغلا ماني جحود
ليش ماتسأل ضميرك في صباحك والمسا


من يحبك ملتزم باللي فرضته من بنود
وانت من غيّر مساره بين ياعل وعسى


‏غبت .من عامين فجأه كم تحريتك تعود
مدري في أيت محطة قلبك العاشق رسى




#محمد_الثوعي

ممنون ...كلي ..بعد.. والنفس لك .شاكره
عطيتني .درس .واحد .في زمنّا .صحيح

لو.راح ..كل ..العمر ..في موقف ٍ. فاكره
اللي..انكوى .بالغدر .مازال.. قلبه جريح

من.. ينتظر ..حل ..ما يلقاه ..في .باكره
الشمس تشرق وجل اللي يشوفه ..قبيح

ناس ٍ ..كريمه ..وناس ٍ ..بالفعل ..ماكره
تظهر ...وجيه ٍ .خبيثه. في .قناع ٍ مليح

نزلت ..في ..وادي ٍ ..مجهول. انا.. ناكره
صوت. الافاعي. لها بين .المسايل فحيح

من قال. هذا .الشعر مجنون .من. حاكره
ليته درى عن جروح ٍ في ضميري. تصيح

اشياء .كثيره ..صور .محفوظه . بالذاكره
وابيات .شعر ٍ.كتبته ..بالنبط ..والفصيح


محمد الثوعي

تصـدق مـن سنه ..واكثر
..........ضيوف الشاعر أحزانه
ودلـه....كيف.....ما تحتر
..........مضت.عامين عطـشانه
ودفـتر..مـن ..قرأ دفـتـر
............كـتب ..ماخلد.الـحانه
سطر اخضـر سطر احمر
...........سطـر..ماشكـل.الوانـه
تعب وجه.. الزمان اسمر
...........تخون. الـفارس ازمانه
ترى عشب التعب اخضر
...........يـهز الـحزن..وجدانـه
تمرمر...بالدهر .وانضر
...........يذوق....المر.....بلسانه
وعيّا. ..ينكسر ....ماقر
............يقبل ...كف.. سجانه
تأثـر ..بـاﻷلـم ... واثــر
...........وصار الـبوح .سلـطانه
ونادى ....يابحر ...بقدر
...........انـا..الـمـركـب .وربـانـه
عقد..أمـره .وكـان اجـدر
...........تحدى..الـبحر..وأركـانـه
ذبح ..خوفـه ...ولا قصـر
...........وجاب الـيوم.. هـالدانـه
تـصـدق والسـمـا...تمـطـر
...........شـرب ..حزنـه وحرمـانه
قبـل يكبـر...بــدا يصـغـر
...........وضاق الصدر باشجانـه
سـنـه ..مــرت .ولايـذكـر
...........غريب ٍ عـاش باوطـانـه


محمد الثوعي