الليل لو هو في ظلامه سترني
ما بث نور أبيات شعري معاناه ..!

لكن سهرته مثلما هو سهرني
وصرت شاعر مبدع الناس تقراه ..!

كله عشان اللي بحبه غمرني
أنا أشهد ان اللي خذا مني اعطاه ..!

راح العمر و العمر ما ينتظرني
و أنا عجزت القاه من بعد فرقاه ..!


محمد بن شتير

الحب ماهو شي مني و لا منك
ياللي من الله في خفوقي سكنتي ..!

قلبي يحبك ما قدرت امنعه عنك
و ما فيه احد يستاهله غيرك انتي ..!

محمد بن شتير

هلا بك و الغلا نبضه 'قصيدة'
حرام انه يكون لغيرك ؛ أنتي ..!

ماهو ب/أيدك و لاهو شي ب/أيده
بروحك أو بروحه لا سكنتي ..!

أبفرح كل ما شفتك سعيدة
و ابحزن كل ما شفتك حزنتي ...!

محمد بن شتير

اقسى على غيري وانا شخص حساس
و اذا جرحت انسان قلبي يعاني ..!

اجيه " في كلمة " من الرأس للرأس
و لي وجه واحد ما معي وجه ثاني ..!

صريح واحب الصراحه مع الناس
و اللي على قلبي يقوله لساني ..!

محمد بن شتير

مالك ورى كثر المشاريه مصلوح
مير ادع ربك واصبر شوي و تزين ..!

باب السماء لين اخر العمر مفتوح
و رحلة حياتك كلها مثل يومين ..!

وفي جماد الطين ما ينفخ الروح
إلا الذي يخلق عباده من الطين ..!

محمد بن شتير

حاول تكون انسان طيب مع الكل
إلا مع اللي يستغلون طيبك ..!

بعض البشر ودك تدور لهم حل
و أن ما لقيت الحل ،، ربك حسيبك ..!

و لا تعول في زمانك على خل
اخاف من "خيبه أمل" لا تصيبك ..!

بكره تبين الشمس وتودع الضل
و تعرف عدوك قبل تعرف حبيبك ..!

محمد بن شتير

ما قريت الكف و أبراج الفلك
والله أعطاني من إحساسي دليل ..!

كل ما حسيت ،، قمت أتاملك
و برجك العاتي ورى نجمة و ليل ..!

محمد بن شتير