|
لوحة/ وقصيدة
http://www.elbader.net/marsam/big_images/119.jpg
لو تغيبـي ولو رحـل وجهك حبيبـي في غيابـي عنك أشوفك .. وفي عذابـي منك أشوفك صـدقينـي مـا نـقـص هالليـل بعدك إلا قمـرا وما فـقـدت من النهـار إلا شعاع الشمس بكـرا واجمل الناس حبيبـي .. لو تغيبـي لو رحـل وجهك حبيبـي تصغر الدنيا وتضيـق كلّ مافي الدنيا أعرفه إلا بيتـي والطريق أنا أحبك ذا نصيبـي .. إبعدي عني وغيبـي صـدقينـي مـانـقـص هالليـل بعدك إلا قمـرا ومافـقـدت من النهـار إلا شعاع الشمس بكـرا لك ليـالي ما سألتـي .. ولي ليـالي ما سـألت ولو دريت إنك زعلتـي .. كان أفرح مـازعـلت بس داري مافي قلبـك إلا قلبـك واختياري إني أحبـك والا أحبـك ومن عذاب الحب يكفـي لو تجرّح قلب واحد وإنتي يا حبـي وضعفـي لا يهمك كله واحد لجل تتغير فصول .. ويبكي الغيـم في عيونـي وتزهر جبال وسهول .. اضحكي بيـّا وبدونـي وصدقينـي مـا نـقـص هالليـل بعدك إلا قمـرا ومافـقـدت من النهـار إلا شعاع الشمس بكـرا لوتغيبي |
لحظات حالمة جداً سيدي قم... ما خبرت اللي يحب يشتهي النوم سيدي قم... لاتنام وفي السماء باقي نجوم يا جريح البارحه كيف طبت اليوم سيدي .. يا سيدي قم سيدي ...الليل للعاشق نهار قم معي ... نجمع نجوم الظلام سيدي ... لو عرفت الانتظار ما غفا لك جفن .. .يا عذب الكلام اه لو تدري الهوى والسهر مقسوم يا جريح البارحه كيف طبت اليوم سيدي .. يا سيدي قم سيدي ... لا تناظرني بغضب ودي تحس مثلي بالغرام سيدي ... ما وراك الاالتعب ليت عيني مثل عينك تنام اه لو تدري الهوى والسهر مقسوم ويا جريح البارحة كيف طبت اليوم سيدي .... يا سيدي قم |
ترحيبة الحزن والليل هلا ... يا حزن ... لما يبعد ... في المساطيف المسافر .. لما يخفيه الضباب .. لما يرحل ... بالأمل وبفرح باكر ... لما ينسا لي عذاب ... هلا ... يا حزن ... هلا بالصاحب الطيب ... ابد ... لو تبعد قريب ... هقيت إنك مع الفرقا ... تبي تنسى حنينك لي ... هقيت انك بعد مليت ... من الماضي عذابك لي ... عسى ما جرحك فرحي ... عسى يا حزن ... أنا لو خنت في جرحي ... وضيعني ... الهنا ليله ... ترى ما في يدي حيله ... هقيت إني لمحت النور ... بيمسح دمعي المبهور .. بمنديله ... سحرني حلو ترتيله ... لما يسري في الفضا .. نجم السهاد ... لما يطفيه السحاب ... لما يملى عمرنا الماضي السواد ... تصبح البسمه ... صواب ... هلا بالليل .. هلا والله .. يا ضاوي لو أضمك لي .. على صدري ... وافني فيك أشواقي .. أماني ...عمري الباقي ... هلا بالليل ... حبيبي كسر الفرحة على صخر الجفا الجاير ... حبيبي حزنه الزاير لياليا ... يحبك ليل ... يقول ازرع ضنى شوق النوى فيا ... وأنا في موعد الشكوى ... أبي شكوى ... أبي دمعة ضنى تسوّى جراح العمر ... هلا بالليل ... يا ضاوي بالحنين المر ... هلا ... والله ... |
لا نستغرب الذائقه يا { ميرال ..!
الشكر لك ~ |
الغيد
ياالذوق كله |
صياح الباب [poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] صياح الباب يكفي لا ظهرت وبكتم صياحي = لك الله لو تبيني اصرخ حبيبي لا تهج الباب تكلم واحرق بنار العتب طيني والواحي = عيوني لك مرايا لو تبي وافتح ضلوعي كتاب وان مات الحكي ما عاد ينفع ضحكي ونواحي = يقولون الذي كاره يلاقي للفراق اسباب حبيبي والوداع نعاس نجم والجفن صاحي =واحلام الرماد ولفتة تملي الدروب غياب امانة لو عشقت في يوم غيري تذكر جراحي = ولا تترك حبيبك ما بقى للعاشقين عتاب مفارق والذي يخليك لحظة بطفي مصباحي =تعرى الدمع ساعدني البسه الظلام ثياب [/poem] |
|
كفاك غرور صحيح ان السحاب انتي .. واعشاب الربيع انتي .. وأجمل من على هذا التراب .. انتي وفـ عز الليل لو بنتي يطير الصبح .. من كف الربى عصفور .. ولكن الليالي تدور .. كفاك .. غرور سقاني صوتك البارح .. مرار الحزن والترحال صحيح ان البحر مالح .. ولكن العطش قتال سألتك يا ظماي .. أمطار سألتك عن هواي .. أخبار سألتك كلمتين أعذار .. ولكن ما تعذرتي .. وحقك لو تكبرتي .. صحيح ان السحاب انتي .. واعشاب الربيع انتي .. وأجمل من على هذا التراب انتي .. انا جرح .. وحنين وهمس وقلبٍ ينبض بصدري .. ولا ادري من حبيبي .. الشمس ولا ودي بعد ادري .. يكفيني دفى انسان .. يشاركني فرح واحزان .. ونورك فـ السما لو بان .. أشوفه مثل كل الناس وأحسه .. مثل كل الناس وصحيح ان السحاب انتي .. واعشاب الربيع انتي .. وأجمل من على هذا التراب انتي .. وفـ عز الليل لو بنتي .. يطير الصبح .. من كف الربى عصفور .. ولكن الليالي تدور كفاك .. غرور |
| الساعة الآن 07:26 PM |
Powered by vBulletin® Copyright ©2000 - 2024, Jelsoft Enterprises Ltd.