|
وماكان الحكي : فارغ ! ولا ظِل الشجر فارغ , ولا حتى زواياهم ! مساء الناس ـ ياماسه ! تهندمنا على فاسه وبعض أكواب موتاهم وأفواه العقول أومت ! تعودنا على الرفعه وهذا الشق ياساده أبد ماتستره : رقعه ! |
يابوي وقتي ماطرح لي عقالي ! ــــ عزالله إني رافع الراس واقف ! هو هزّ كتفي ! مير أنا مثل خبرك ! مثل النخل شامخ تطمّن وطمّن ! لو ريح مرّتني ورفرف شماغي ! العزّ عزّ الراس ماهو : شماغي ! يابوي عز المال ! عزّ الزلايب ! عز الله إن العزّ : مدّت ذراعي ! شفني وأنا لامرّ بالناس طاري ! ماقالوا إلا : طّيب الله ذكره ! العود : لو هو يحترق بس ريحه طيب ٍ يطّيب كل قاصي وداني ! عز الله إن الوقت هذا : وجعني ! واللي وجعني لاتقافيت منظر ! لاشفت رجّال ٍ يساوي قبيله ! في آخر المجلس وبالصدر : واطي ! |
. . في غياهب جبّ روضه ! كانت الأسماء ـ أشيا ! كانت الأشياء بيضاء ! كانت أخضر , من غصن ! وأبيض أكثر من : حزن ! والتلال تفوح : مبدا ! وين يبدا ؟ كان أبطى ! وأسرع ـ أسرع من جزع ! وأجزع أفزع من حلم ! أعتلى غمضة سعد ! كان : يحمل غترته في شفايف حسرته , في كتوفه دمعته ! شنطته جرحه معه ! شايل الناس : الأمل ! ياكثر طاري : أمل ! في وجوه الناس / تطري ! في جبين العّم / ساري ! في كلام الجار : غازي ! في حديث العابرين ! بين تّل , وبين وادي , لااجتمع فادي وهادي , سولفوا عن فّم نمله فاتح ٍ إيديه غفله ! ينتظر كسِره تطيح ! ياكثر طاري أمل ! دوم : يذكرها سعد ! لا لبس همّه / شماغ ! ولالبس جوعه : ثياب ! ولاتعطّر بعض دمعه ! وإن لبس عينه : سحاب ! ياكثر طاري أمل ! في حكايا طفل : عابر ! أو مرايا صوت طفله ! أو هي المعنى / لغتره ! عُلّقت في رّف غيمه ! غيمة ٍ بيضا عظيمه ! شفت وش نظرة سعد ؟ كان في حلقه ولد ! وأنولد من رِحم فكره ! . . :34: |
حائطك : تمثال ـ ماثل ! للعدم ! للوجوه العابره : نحو الندم ! تمضي على ورد القدم ! حيّ / حيّ لـ ه الأمم ! كُتلة حكايا : في زوايا في مرايا ! عاكسه صوت الألم ! ياااااااااااااااه : من نبرة / ذِمم ! آآآآآآآآآآآآه : من وعكة أمم ! ـــ * حائطك : كومة ورق ! حائطك : ماهو حديد ولاجديد , ولا وريد , ولا أصابع بين إيد ! حائطك : كومة ورق ! طاح / وإن طاح وغرق ! إبتدت قِصة : فِرق ! طائفين / لــمُفترق ! خلف : ماخلف الطريق ! وإنت تنده للزمن : من يجاوبك بــ : نعم ؟ |
شبّاكك الكذاب ـــ مكسور ياسيّد ! ماخلفه الأبواب ! ـــ وإلا أنت متقيّد ! من كشّر الأنياب ! ـــ في وحله يشيّد ! الطوب وجه أذناب ! ـــ ماهو بنى جيّد ! بيتك بوسط الغاب ! ـــ مستوحش وحيّد ! لاتشرح الأسباب ! ـــ مشكور ياسيّد ! |
السيّد الفاضل : غبي ! إحترامي ... وأمتناني ! السيد الفاضل : غراب ! إحترامي .. للنعيق ! تذكر القصه : حكايه ! كان ياما كان .. كان ! به غراب وملّ شكله ! مل بؤسه / ملّ وجهه ! قال أنا لابد : أغيّر ! مالقى شيّ يتغيّر ! قال أبي : أصبح حمامه ! لازم أمشي كـ الحمامه ! والغريب , إنه تعثّر ! مامشى مثل الحمام ! ولا تذكّر مشيته ! ضاع في موطن غباءه ! هذي قصّه : قول حكمه ! قول دقّه / قول قرصه ! سمّها اللي تسمي ! المهم : إنك تلاحظ ماأنت يافاضل بنّدي ! ماهو بنقص ب/ جسد بس ينّقصك العقل ! إنت يامسكين : جاهل ! لاتضيّع : مشيتك ! . . |
من آخر صوتك
لـ بعضك ! إلى مابعدك وقبـلك ! تـمد الناس في صدرك وتد يمتد في ظفرك ! تشكلّ وجه يشبه لك ! ويمتد الحكي [ إسمك ] . . هويّه فارغه منّك ! وقل منها سقط [ نِصفك ] |
الصباح إن فزّ بِك ! فزّ لجل يطير بِك ! طار بِك لأسفل يدي ! مابين ثغرك موعِدي ! هاتي من التوت ألحانك ! أو آخر [ لفظ ] بستانك ! وآمد لِك صبح متغندر ! مابينه الثلج وال... زف ر هـ ! |
| الساعة الآن 06:36 AM |
Powered by vBulletin® Copyright ©2000 - 2025, Jelsoft Enterprises Ltd.