ياصاحبي لاتلوم الناس مالك حقوق
من ضيّع الاوله ما يكسب الثانيه

محمد الثوعي

شخابيط مسائية فورية.


تعبت اكتب من احزاني اعبر عن مدى التاثير
وقلبي من رماح الغدر ينزف كابد اتراحه

اناشخص ٍلقى بالحب عواصف جابت التدمير
تبعثر كل مافيني ترى الاحزان صداحه

عطيت ولا لقيت اللي صدق بالحب والتعبير
يقدر كل ماسويت عين الشوق نضاحه

أناني كل ما اذكر غرامه شفت انا التعزير
كرهت الحب باسبابه نسيت أبها مع الباحه


محمد الثوعي

يانفس ياللي ماعرفتي صوابش
رافقتي منهم بالخطايا يغروش

خذاش طيشش من بداية شبابش
لين ذنبش صار بالقلب منقوش

ادري طموحش للمهالك مشابش
استغفر الله من شياطين يبلوش

بعيونش الدنيا تزخرف زهابش
اغراش وقت السعد بالطيب مرشوش

هذي حلوم ٍ مرتش وانتشابش
قوة شبابش والخطا صار مغطوش

وإلا الحقيقه دربش اللي انتهابش
بين الأمل والياس والقلب مبلوش

في ديرة ٍ قفرا ظماش انتحابش
يلمع سراب الأرض والشوف مغشوش

مرت سنين العمر تعبت ركابش
الدنيا ماصارت ملذات وقروش

يانفس توبي ما يفيد اغترابش
تساقطت امصار وملوك وعروش


#محمد_الثوعي
ابيات مجاره الشاعر الكبير
محمد الثوعي


يــا نـفس ياللي بـا الحنايا عــوابش
ذيب الغرام اللى من العام مربوش

هـذا عـذابــش يــوم زود عــذابـــش
بين الرجا والياس والقلب مهشوش

وان كان حضش بالمهالش هوابـش
المـوت سنـه والمقابـرلـها عروش

يانـفس تـوبـي يوم ذنبــش عثابـش
يرميش فوق النار وقدو رها تغوش

لابـد ماتـفـنـي وتـلـقي جــوابـــش
فـي ساعـتاً فيـها ما ينفـع بهالهوش


واللـى لويـتـي بـالخـفايـا لـوابــش
لوالسلوك اللى بها السلك معكـوش

يا نفس تـوقـي ليـه ذنـبـش غوابـش
قبل يفوت الوقت والوقت محيــوش

يـا نفـس بـعمالــش تنـالـي ثـوابـش
ان كان تبتي بالخوافي الـهـا اطـروش

ايــامــنا عجـلــه وفـيـهــا نــوابــش
تنبش عن الماضي لها قصد وتحوش


ابوياسرالسميري

*الكلمه اللي ماتثبّت بالافعال*
*وش خانة اللي قالها ما قدرها*


*جنبت عن بعض السوالف يارجال*
*ماني بناشد من كتبها نشرها*


*صديت والصده ترى عز واجلال*
*بعض الاوادم من تركها قهرها*


*ماكل رجل ٍ صار بالحرب خيال*
*وما فيه ديره سالمه من دهرها*


*محمد الثوعي*

شفت البخيل اللي مجوّد مخابيه
متمسك ٍ في دنيته فاقد احساس


ترى الكريم اللي معوّد اياديه
على السخاء يبذل ولايعرف الياس


محمد الثوعي

وينك البارح ؟! عن الجمع الغفير
...... الشعر.. والقلب ..وانسام الزهر!!


اجتمعنا ..... بانتظارك ....مايصير
.......ليلنا ....ادبر ....وعانقنا ...السهر!!


من حضنتك حب وانفاسك عبير
.......من شربتك . مزن . ما جف النهر!!


من ..عطيتك .قلب ضيّعت الكثير
........العقل ..والنوم ...واحلامي ..قهر!!


من عنا.. ليل .المواجع .. بالضمير
........كل ..سر ٍ من ..فؤادي .قد ..ظهر!!


ضعت كلي ..معك ..يا الحب الكبير
........صرت اعاني.. من غرامك بالدهر!!


صار ..حبك ..ذنب ..والعاشق اسير
.......قام ..يدفع ..لك ..من .ايامه .مهر!!



#محمد_الثوعي

الله العالم بما تخفي الصدور
....يعلم الاسرار رب العالمين
القلوب اللي بها غيض وتفور
....من سنه ترجف قلوب الحاقدين
والشكوك تغيّر القلب الطهور
....لا تمادى صاحب الفعل المشين
لاتشب النار تلحقها شرور
....ثم تشمت بك عيون الشامتين
اترك الكبر المدمر والغرور
....هذا منهج للرجال التافهين
انت ماعندك ضمير ولاشعور
....تجربة عمر طويله بالسنين
لاتهاجم.وانت.في حصنك ثغور
....اترك اعراض الاوادم يافطين
لا تثرثر في المجالس ياهذور
....من لسانك لا تذم الطيبين
ماجهلنا في علومك والامور
....بالسوالف عندنا علم ويقين


#محمد_الثوعي

اشعلت نار الحب في قلب مغليك
................ عامين مرت يحترق من لهبها

ياعل عين . الحي مايوم تبكيك
............... انته عيون الحب وانته هدبها

لا قلت بابدا في قصيدي واغنيك
...............ترقص حروف القافيه من طربها

ابيات شعري كل ليله تمسيك
............... من واقع الاشواق قلبي كتبها

ياقبلة العشاق والقلب يدعيك
............... في كل نبضه بالثواني حسبها

اغليك لكن لا تقاطع مهاويك
................ شمس الموده بيننا من حجبها!

الشمس شمسك والليالي لياليك
................والناس دايم تذكر اللي عجبها

والورده اللي تبتسم بين اياديك
................ تشم كفك عطرك اللي جذبها

كل المشاعر ما تعارض معاليك
.................لانك سمو الحب طيبك سلبها

مهما زعلنا من بعض مانجافيك
.................وقف.. تأمل.. بالحياة و تعبها

الحب يبغى له مع الوقت تكتيك
...............سويت خطه ماخسر من لعبها!!

محمد الثوعي