|
* __ * انا الشعر " وزن ومزن " ! وانا البحر " والقافية " - وانا الشجن وآخر مقامات الحزن ! وانا الصبا لامن نزل ب ارض الظبا ! وانا الـ موسيقى " والركوز " - والفكرة اللي ماتجوز ! زوجتها " المعنى " انجبت طفلٍ وبنت " تكبلهت " |
|
من باب كسر السائد : * _____ * أحتاج أمرر كلمةٍ " بين ثغري " _ متصوّفه وتميل " بالدف بشويش" متمذهبه ومذهبه " تمتلي طيش " نجديّة الجنحان - مكيّة " الريش " احتاج اقول أشياء ! ماتقبل الـ ليش ؟ متصعلكة تسكن " وجوه الدراويش " احتاج امرر " شي " مايشبه ايّة شيّ مثل الحكي " الغافي " في اول الخافي ! من " آخر لساني " احتاج أحبّك ؟ لا احتاج أحب " اني " .. مليان بك واني غرقان بك كلّي ! لـ آخر طرف ظلّي ! احتاجك " النسمه - في وسط هالزحمه " واحتاجك لك كلمه .. شرقيّة النغمه ! احتاج لك " غنوه " - متكبلهه وحلوه " |
* __ * كِن القلق : " موطنه ظِفري " يمتد من فمّي .. لصبعي ! كني زرعت بـ يدي : " صُفري " وارياشه تميل في ضلعي ! ياحلوتي : والقلق فكره ! مايسلِم الهمّ " من كُفره " ؟ ياحلوتي : والمطر " قطره " مايبطي السيل .. من كُبره ! دورت لي جاهةٍ " لليل " من خمسة شيوخ ينخونه ! أخذ سيوف العرب .. والخيل ! واستل خنجر من " متونه " ! |
* ___ * انا تعطّرت قبل انام - رتبت بالي على لقياك ! لعل تلفي بك الأحلام ! - غمضت عيني وقلبي جاك ! |
* ______ لما قرر يكسر النور الظلام ! انطفى بين الزحام ! لما كان الصمت مدخل للملام ارتجف وسط الكلام ! والكلام اللي كسر ظهر الكلام ! انه اصدق من عبَر بين الأنام ! كان اطيب " من دهن " حزة الجمعه على كفّ المسن ! كان اكرم من حزن ! مالقى الا صدر مؤمن " به سكن " |
قلت : ابكتب عنّك أكتب ، شيّ أعذب ..من غناوي طفلتين في مراجيح التلال .. والرياح تحفهن مثل دعوة والدين .. قلت ابكتب.. عنّك اكتب ، شيّ يشبه للعطر او مثل " رغوة وتر " او مثل "دهشة رعد" شاف غيمه وارتعد ! عنّك أكتب حكي من بعضه "يصب" وارتوى من فمّ " اسمك " واقترب ! لين دنقتي وشرب ! |
أبد ماهي " قضيتنا " غصن طايح وطير " أعمى " ولا أكبر مشاكلنا " مهرّج " جسّد المشهد ! ولا أكبر مشاغلنا .. غراب فـ نافذة مومس ! ولا خضنا على " هالرمل " لحتى " منه نتحسس " رفعنا قيمة " الكلمه " وجنّبنا عن " الزحمه " ثقَال وصمتنا " حشمه " وذهّبنا ايادينا وزمزمنا " اسامينا " |
| الساعة الآن 11:49 PM |
Powered by vBulletin® Copyright ©2000 - 2025, Jelsoft Enterprises Ltd.