[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قلبي غلب عقلي وباسبابه اخطيت = حقك علي ..لك حق ماتسامحيني
مالي كلام يحتمل كيت ٍ وكيت = غير العذر ماعاد شي بيديني [/poem]

[poem="font="simplified arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مشكلتك تعدني سياسي وداهية = وان الكلام الذي ( تستاهل ) انمقه !
وهو حقيقة بعض مشاعرٍ خافية = وشلون ابقدر على باقيه وتصدقه ![/poem]

[poem="font="simplified arabic,5,gray,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]غنيت لك وانا ما اعرف الاغاني = وياما طلبتيني أغني وعييت
مدري وش اللي للاغاني حداني = الظاهر اني منهبل يوم غنيت
غير الاغاني .. لو جرحت المحاني ! = عديه طور هبال حتى لو اخطيت [/poem]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياكبرها .. كان تفكيرك = اهمشك لو تهمشني
لو قلت ابقبل معاذيرك = كنك مع العين تنهشني[/poem]

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقولون والعهدة على اللي يقولون = على قدر ماكَبْر الغلا تصغر الزلة
وانا أقول ياستار ماشفت ذاللون = لعلل الخلل بالقول ..مابالغلا خلة [/poem]

[poem="font="simplified arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بين امس واليوم دربي بالهوى حاير= والشعر مع حيرة الدرب اشتكى حيرته
شوفيه كنه وقف بنْهاية العاير= بين اشتباه الدروب ومبتدا سيرته
اذا فقدتيه لومي حظك الباير= يوم اشترى جيرتك .. جرتي على جيرته[/poem]

[poem="font="simplified arabic,5,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أمانه لادعاك الشوق تقرين الغزل مني = ولا لك حيلة إلا بالرجوع لسابق ابياتي
أمانه حكمي فيها ضميرك .. تخبرك عني= ولا تلقينك الا نايبة عني بشرهاتي[/poem]

لابن عمي موجهها لي

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو زماني جار واصحابي جلو=رحمة الله ماتقفل بابها
لي رفيق مثل ابن عمي ولو= أطلب عيونه قلعها وجابها
لااذكرني ماحسبت لمن سلو= فدوته ذيك اللحى وأشنابها[/poem]

الرد عليها
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياقديم العد ياراهي الدلو=من نباتك ماحسبت حسابها
مانساوي من دنو باللي علو=فارقين صقرها وغرابها
أنت نركض لك ونهرف بعد ألو=يوم حاصلها الحفا بأكعابها[/poem]