(17)


صرتي كذا فجأه عليه تغلين /////// ماعاد لي في قلبك اليوم قيمه
وانا انتظر واقول ياربي تعين //////// الظاهر اني صرت موضه قديمه

(18)
مافادني معها مشاريه وعتاب /////// راحت وهي متكبره ماتبيني
تصورو راحت بلاذنب واسباب /////// ابغى سبب واحد وش العيب فيني
يعني عشان اني بدوي قلبها تاب /////// من الهوى ماعاد هي تهتويني
ايه بدوي شاعر وللمجد طلاب ////// وان ماكسبت المدح لاقطع يميني
ماعلموك ان البدو اصل الانساب /////// ان كان هذا عيب لاتعشقيني
لو شفتي اللي شفت فعيونها اعجاب /// لي ولقصيدي كان ماتتركيني
غيرك كثير اللي تبينا نجي احباب ///// لو اشر الها بأصغر اصبع تجيني

(19)

شاعر واصارع ضيق وهموم واحزان ////// ارتاح يوم وعام تلوي ذراعي
من كثر همي صرت للحزن عنوان /////// والى محيط الضيق برفع شراعي

(20)


ابيات يتيمه

ا) لو دمعها غرق جميع المناديل ///// لاتنتظر مافيه امل في رجوعي


ب) العام كنتي عندي البرتقاله /// واليوم صرتي في عيوني ولاشي


ج) دامك جرحتي قلب من كان يغليك //////// حتى بخير ان رحت لاتذكريني

(21)


اذا تذكرت الحنين

اللي بهذيك السنين

مضى وراح

واللي من اسبابه الى هاليوم قلبي

ما استراح

حزن وانين

واهات بين اسوارها قلبي سجين

كله من اسباب الجراح

ماهي من سيوف وخناجر او رماح

من فعل هذيك اليدين

(22)

بين الجراح

اللي بطعنات السيوف

والا الجنابي والرماح

والا يدينك ياغلاي

وشلون ابي القى دواي

وانا بعد جرحك وقلبي ما استراح

وشلون تتمني شفاي

وانتي تركتي قلبي المجروح

مثل الغصن لاقامت ا تهزه رياح

ثم طاحت اوراقه وطاح

(23)
اما هنا

ولا هنا

ولا هنا

اختاري وين انتي

تحطي خنجرك

دام الضحيه واحده

( قلبي انا )

في كل ضلع من الضلوع

ياكثر ما ولعت لـ اطلالتك فالقلب الشموع

وهذي نهايتها كذا

جرح وعنا

واحزان

وهموم

ودموع

(24)



كلمه ومابي غيرها


لو تسمحين


قولي احبك موت


حتى لو بعدها ترحلين


حتى احس ان المشاعر صادقه

وانك بحبي غارقه

واكذب على نفسي واقول

انك تحبيني وغيري ماله بقلبك قبول

لو كان كل السالفه حلم ومزاح وتسليات

عشان اخفف من طعون

غدرك وهذيك العيون