ما

أص / دق

لا
مستـ /حيـل

[poem="font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دخيل أمك ..وابوك ..وكل غالي لك ..ذبحتيني=تعبت إنزف أرق بعدك جروح وهمهمات ..وضيق
تعبت ..اغيب بحضوري ..وانادي لك ..بعد عيني=وانا ماعاد بي حمل بعد عيني ..على التفريق
تعالي ..واحضني صدر ٍ سكنتيه ..وشطن فيني=تعالي ..لملمي حزن ٍحزين ٍ مابعدك ..يطيق
تعالي يابعد كل البنات ..إن كان ..توحيني=تعالي ..واسمعي صوت .. يضك بصدره التخنيق
خنقتيني ..خنقتيني ..خنقتيني ..خنقتيني=فراق يامها نار ..بدت بضلوعي ..التحريق
أحبك لعنبو ..جد الغرام المرهق ..احييني=أحبك لعنبو ..جد العذاب ..ابيك لحلمي التحقيق
حياتي ..يابعد عمري ..ياعيني ..من يسليني=بعد مارحتي والدنيا بعيني ..ثامله ..ما اتفيق
تعالي يامها ..تكفين ..طلبتك يا مها ..اكفيني=انا ماني حمل صدك ..ياروحي والجروح تويق
تعالي ..واحضني طفل حزين ..قال لك ..ويني=وهو يعنيك ياعمره لانك في بحرك ..غريق
مهاتي ..والذي سوى السماء بلا عمد ..سيني=ذبحها يامها صد ..لبس جيمك ..بلا ترفيق
حياتي ..دادتي ..بيبي ..مناتي ..لا نسيتيني=أمانه هو بقى شي بهالدنيا ..يبي تصديق
تعالي ..واسقي عروق ٍ بذرتيها ..و بذرتيني=تعالي وانزعي هم ..جرعته قبل افك الريق
أحبك ..يامها ..والله ..وروح القدس ..حاكيني=اما ان الاون انك تجين ..وتكسرين (....)
تعبت من الزماني اللي ..عبث ..يعتم تلاويني=تعبت من الرماد.. اللي ..يناديني ..الى التعتيق
تعبت ..من الدخان ..اللي تسحب في شراييني=تعبت من الذي تدرين ..ياعمري عن التدقيق
تعبت من الطحين ..اللي رحاته ..جت بتطحيني=تعبت من الدقيق اللي دقيقه ..كم يسم دقيق
تعبت من الضباب اللي ..يغيبني ..وينفيني=الى عالم هو الاخر مهاتي ..معتم ..وما افيق
حياتي يازهر عمري ..أهون ..اهون ..ياعيني..!=أمانه يامها كاني أهون ..الموت ..قبل الضيق[/poem]

[poem= font="simplified arabic,4,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سرب العصافير ..اللي سكنت وسط صدري=من هم مابه ..هالصدر ..تطلب ..إطلاق
يابدري ..اللي غاب ..من غاب ..بدري=قل للعصافير ..الفضاء ..بدونك ..إحراق
علمتني ..كيف أرتقي ..فوق قدري=وعلمتك ..شلون السماء ..سحبها عناق
يافرح هذا الحزن كم هز ..سدري=وتساقطت ..هموم صدري ..من اعذاق
ياحزن هذا الفرح ..لو مر ..مدري=يمكن أعيش الفرح ..في عالم ضاق[/poem]

[poem= font="simplified arabic,4,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مدام لاعاقل ..ولاني بمجنون =متأرجح بهموم ..حب وشقاوه
تكفون قولوا ..لي انا من انا اكون=مادام فمي ..مايعرف الحلاوه
انسان ..كنت ..واعتقد كنت مشطون=العب على روس الطروق بطراوه
يشدني للحرف ..واحزاني الحون=والعن ابو جد القصيد ..بدناوه
يا فرح هذا الحرف ..به جرح مطعون=كم لي وانا والجرح نبني عداوه
بسباب غرو ٍ فاتن ..ياهو مزيون=والزين من زينه ..يقول ااه واوه[/poem]

[poem="font="simplified arabic,4,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إن كان تقريني ..وانا ..أزفر الاااه=أكبر مصيبه يالمها ..ماتردين
كتبتني ..بحساس ..كم عاش بك ..ماه=حتى تشرب منك روحه ..دواوين
معقول هذا الحزن حياتي ..تقراه=ما اصدق انك تقرأينه ..ولا تجين[/poem]

[poem="font="simplified arabic,4,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعبت انادي لك مها ..ولا لقيتك=مدري وصل صوتي ..او انتي بعيده[/poem]

[poem="font="simplified arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]راحت وقالت كلها ..عشرة أيام=وترجع ..وانا أرجع ياحبيبي ..واشوفك
واليوم عدى شهر ..مترف بالالام=ياهو ابن ستين كلب .. بعزوفك
علمتني ..كيف السهـر ..يبني ..احلام=وعلمتك ..إن الموت ..تبعد ..طيوفك
ياقلبي اللي عن هوى غيرها ..صام=طالع ضروف صويحبك ...ثم ..ضروفك[/poem]

من المتبع
أن تتساقط الدموع على حي ..قد مات
اما هذه الدموع فهي اخر الدموع

على ميت قد عاد للحياة من جديد ربما من وجهة نظره

الى من تعي ما اقول

اقول

[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
دمعي اللي طاح لك ياغايبه ..من وسط عيني=صاح لك خلاص كافي هذا اخر مافي عينه
هذا دمع الشوق الاول يوم اول ..تنثريني=وهذا اخر دمع باقي ..كان ودك تنثرينه
من مساء الحزن ..صاح ..وكمل صياحه ..بويني =لين دليته دربه..ثم تاه ..ودل .. وينه
كان طفل به شقاوه وسال رجل ..وسد ..ديني=ومن يسدد ..مر دينه بعد ماهو طاح دينه
كان ينظر لك (كمال) ..بيوم كنتي ..تناضريني=ناضريه شلون طاح ..ولا يلد ..لناضرينه
كنتي بعيونه مدينه ..وكان لك دايم.. مديني=لين اصبح لا مدين ..ولا انتي بعينه .. /مدينه
وكان يترجى حنانك ..كل مامره .. حنيني=لين خليته ميت حس ..مايرجي ..حنينه
وكنتي الساحل لصدره ..لين جفك ..أفهميني=وكان ماتقوين فهمي ..يمكن انك تفهمينه
كان صدره شبه ميناء للنوارس ..والحزيني=لين كلت هالنوارس ..شط صدره ياحزينه
من سكنتي وسط صدره ..واهو تايه مايبيني=ومن طلعتي ..صاح صدره كيف انتي ماتبينه
كنتي طفلة وسط عينه ..ترتجيه ...وترتجيني=لين ضيعتي رجايه ..فيك ..يومك ترتجينه
من ياس منك حبيبه ..وانتي كنتي ياسميني=وللاسف ما عاد يحلم ..حتى هو في ياسمينه
من لبس حلم الصحاري نور ..بعيونك دفيني=ادفنيه ..وسدي اذنك ..لاصرخ ..لاتدفنينه
كان أغبى إنسان..صدق كذبه الحب اللعيني=لين شاف بام عينه كذبه الحب اللعينه
كم تمنى يطير ..بيدينك سحاب ..وجاب (سيني)=وااه منه يوم جاه االصد أخر( جيم) سينه
كان طفل ٍ من شتاتك فيك ضايع كل حيني=لين صدق من خباله ..ضيعتك في كل حينه
وكان يرقى للسماء ..بدمع حاير من سنيني=لين كل من الصعود الى السماء ومن سنينه
هذا ..أخر ..شي منه ..صاح لك لاتذكريني=وهذا اخر شي مني ...لاانغصبتي ..تذكرينه
دمعي اللي طاح منك ..يامها من نون عيني=هذا اخر دمع باقي لك هنا ..يانون ..عينه
ولانويتي تكتبيني في حروفك ..ف أكتبيني=هذا اغبى انسان حب بصدق ..لحظه تكتبينه
وهذا اخر حرف اخر ..ينكتب لك ..من يديني=وهذا ..اخر ..حرف ..اخر ..من فقدتيها يدينه[/poem]