|
\ لو تكوني يا خديجه : : ساس طايح أو تكوني عطر بالفجّار فايح هاتي دمّك قدمي القربان لي من نهد أمّكـ والله انه يغسل التربه المجيده يعلن الأرض الجديده ولو هو سافل، ولو حكوا لك بانّه المهره العطيله: يااااه لو تدرين كم هو: عن كذوب النسل جافل!!! صدقيني يا خديجه: ما يصالحني أحد ولا يقاربني أحد ولا يخالطني أحد ما يناسبني الأصيل مْن القبايل.. قرّبي من مفرشي بعت أنا دلة نسايبنا على مرأى القوايل هاتي الكاسه الأخيره والذخيره والفناجين الأثيره كلها تحت أخمصي دربٍ جديد ما يوصلني سوى لليل الاحمر والنخب والعزف والرقص (الصقيل) ارقصي لي يا خديجه بلا هواده: واحدٍ راحت بلاده وش يشوف بكاعبك غير الوطن؟ غير النخيل؟! هذي هي أرض النخيل!! : يا خديجه : فيكـ أبهذي بلا حدود الشعِر ما هو لسان ولا القصيد المُتعَب بظني أمان: وجيت أشخبط لك حكي بالوعي مو متّكي جيت أقودك من أزاريري إلى كذب الوجود! / |
\ دخّني.. وانفثي الدخان في وجه التمني البلد.. ما هي لنا ولا النواحي حيّنا.. دخّني.. أو دخّني.. في كلا الحالين ما لوّثتي حد كل من يمسي حوالينا.. لـ ـح ــد !! والصباح.. أحْدٌ.. أحَد! / |
\ يا خديجه : [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]علميني كيف أخيط بلاد من ثوب المنافي؟!=وآنا كلما (أعقم) الغربه.. خنقتك يا بلد لو صحيح إن البيوت الطيبه من جذع غافي=ما وصلت أسأل خديجه يوم عن لوح اللحد![/poem] / |
\ وش تبين أتوسّلِك؟ بعت كل اللي جنيت الهوى والناس وجدار المبيت.. كل شيّ آبا اتركه واعْتبري جدي ما زرع نخله.. حصد تمر نْخَلِكـ..! / |
\ صديقي الجميل/ المُخرّب/ العقلاني جداً حمد عايد لايزال على قيد الصحو.. يبدو أنه يمارس عادته القديمة معي ويسأل: مَن هم هؤلاء يا جمال؟!.. وأقول له: ربما هي الأشياء حين تَحدُث يا صديقيَ الجميل/ وتُحدِثُ معها الأفراد..! : لا يتحدث حمد عايد كثيراً، ولكن قليله القليل منه يغمرني بلاداً وعصافير، فها هو يراقب (خديجة) معيَ ويقول: [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]خديجه واسكبي هذا (الجمال) فـ كاسة الأطهار=نبي نشرب نخب ناي الحنين وصوته الطاهر[/poem] : ورَدَدْتُ عليه قائلاً : تصدق عاد.. خديجه المومِس العذرى إذا صار الوطن سادي إذا بيت الأهل صحرا..! / الآن تقريباً.. توقيتاً. |
\ يا بلادٍ ما انْجِبَت فوضى خديجه.. ـــــ أشهد إنكـ ما انتي إلا للسياج! من يحس الورد لو سافر أريجه؟! ـــــ من يشب الما.. لجل يضوي السراج؟! / آآآآهـ منها.. يا حمد! \ |
\ يا خديجة؟!!!! و (نقطة) / تحية لأبعاد وآلها الأفاضل \ |
\ نلغي النقطه ثواني يا خديجه : ما سمعتك؟ إنت شارِب؟!!! : إيه شارب يا خديجه حلم أخوي اللي توفي فـ يوم غارب وحلم أخوي الثاني اللي ما بقى مات في لحظة نقا..! إيه شارب.. حزن الارْض الواقفه من خلف هالباب الموارب شارب نخيل الضواحي يا خديجه.. ليش ما اشرب كل شي.. دام ما به شيّ صاحي؟! : شارب أحزان الفقارى.. والأماكن ــــ ليتني قادر على شرب الحقيقه النهار أقسى من أقسى ليل داكن ــــ ليش مَا اشرب يا خديجه بالدقيقه؟! / |
| الساعة الآن 10:04 AM |
Powered by vBulletin® Copyright ©2000 - 2025, Jelsoft Enterprises Ltd.