منتديات أبعاد أدبية

منتديات أبعاد أدبية (https://www.ab33ad.com/vb/index.php)
-   أبعاد الهدوء (https://www.ab33ad.com/vb/forumdisplay.php?f=4)
-   -   نَافِذه ! (https://www.ab33ad.com/vb/showthread.php?t=42790)

سعيد الموسى 05-30-2023 10:02 AM


ملِنا وضاقت أرضنا ..
بس ماانكسرنا - لا أبد !
يا ما نهزّ آمالنا ..
مثل الطفل إذا انولد !
لانامت ولا هي صحت
لا هي صرخت أو هي سكتت !
شبنا
وشابت روسنا ..
ولا كبرت
ولاصغرت !
باقي بمهدها تنتظر ، والأرض مافيها مطر !

سعيد الموسى 06-04-2023 08:13 PM


*
____

*
أزرت يدين الوقت تكسر ثباتك !
‏_ ويمر بك عطرٍ مع الريح : يبكيك ؟
‏تسترجع الذكرى وكل أغنياتك !
‏_ واحبابك اللي أمس : كانوا حواليك !

سعيد الموسى 06-10-2023 08:07 PM

*
__

*
مابين إيه - ولا - تاهت دروبك
‏_ لاالرجعه الأسلم ولا التكمله صح
‏حتى وقوفك مايعالج ندوبك !
‏_ المنتصف هذا شبه خنجر وجرح !

سعيد الموسى 07-10-2023 10:12 PM


من عليه أحط كتفي واعتكز ؟
‏_ والحياة بكل " كتفٍ " فانيه !
‏شوفني مازلت صامد مرتكز !
‏_ يااااااه كم احتاج " عيشه " ثانيه !

سعيد الموسى 07-21-2023 09:15 AM


كن صدري داخله جثّة كلام !
‏_ كيف أطلّعها وهي مترمده !
‏لايدين ولا شفاه ولا قوام !
‏- مابقى الا صمت ماله أورده !
‏آه من يقرا على همي وانام ؟
‏- يلعن الخناس حتى يبعده !

سعيد الموسى 07-23-2023 02:44 AM


_

لاتهز الجرح يتساقط " وجع "
_ نخل همّي ممتلي فيه الرطب !
كل قمري في طرف صدري هجع !
_ مايطير الا ّوترك غصني حطب !
يبني الأعشاش لكن مارجع !
_ لا تلوم الغصن لو هو ينعطب !

سعيد الموسى 08-08-2023 01:37 AM


*
___

*
مااغربك !
‏الكون ناوي يقتلك !
‏وانته توّزع بسمتك !
مااغربك !
‏كلما تهاوت دمعتك
‏لين أسفل آخر تربتك !
‏قلت اسقي الماء ليدي !
‏لعلّ تثمر " ضحكتي "
مااكرمك !
‏كم تهدي الناس الفرح
‏وبداخلك طفل " انجرح "
ماانبلك !
‏كلما سطى فيك الوجع !
‏أشعلت لاحزانك .. شمع !

سعيد الموسى 08-11-2023 11:50 PM


*
___

ماصار عندي قلب
وآحب " والا أنحب "
ماقصروا - أحبابي
في طعنهم " صدري "
اسكنتهم " عيني "
ثِم جرّحوا " اهدابي "
لاتكثر عتابي !
موجوع أنا .. كل شي !
برتاح ، لوّ شوي !
مااحس إني " حيّ "


الساعة الآن 12:22 PM

Powered by vBulletin® Copyright ©2000 - 2025, Jelsoft Enterprises Ltd.