|
___ * __ ياسيّدي : عَطني " وطن " __ مايهدي أبناءه " حزن " ماأحتاج انا كل الورق ! أحتاج أنجو من الغرق ! ياسيدي عطني : فرح من دون قلبي ينجرح ! مااحتاج انا زهو الصباح ! - لا فزّ قلبي مـ استراح ! ياسيّدي / ياسيّدي ! مااحتاج أكثر " من يدي " ! |
______ * * يارب جمّلنا على العز والطِيب _ ماهو خيار اللي تردّى نتردّى ! يارب تبعدنا عن الرجس والعيب _ عزالله إنّا - دون هذا نتفدّا ! |
محتاج أحسِّك ياحياتي " حياتي " _ يوم اسهل الأشياء منّك " فقدته " كان أكبر همومي "أصيب "- أمنياتي _ لا البندق فـ يدّي ولا الحلم صدته ! |
* ___ * انا هنا : مابين شكّي "واليقين" أرسم .. وجوه العابرين ! أنا هنا : أزرع من الصبح " المسا " ياعلّ يثمر فـ المدى: أحباب واخوان وأهل وآشع : من قبل انذبل يالطيبين .. المتعبين ياللي تباتون بـ وجع - الله لشكواكم سمع " ياللي شعلتم شمعكم-والناس تجهل همكم " أنا هنا: مابينكم واشعر بكم ! |
* ____ * أقوالنا : كسرة رغيف " أوجاعنا " آمالنا : حاجة تسدّ " أوهامنا " أقلامنا : حبرٍ نزف بـ " افواهنا " شيً نبت بـ صدورنا لين أعتلى بـ اوراقنا ! ياسيدي : ماهو شعر .. هاللي تشوفه ينتثر ! لا لا - ولا رشّة عطر ! ولا رذاذ من المطر ! هذا خليط من القهر ، أينع ، تشجّر ، وازدهر ! |
___ * عندي الفكرة ولا عندي قلم _ سلفوني دمع ينزف واكتبه والله أني من كثر جور الألم _ اكثر اللي أكتبه صرت اشطبه ! |
* ____ رجلٍ على ادنى شيّ يفضح خويّه ! __ وثاني يموت ولا لحق صاحبه " عيب " رجلٍ تشوف الطيب يلفي بمجيّه ! __ وآخر يدوّر وش ورى عوية " الذيب " يابن الكرام الميل " ماهو خطيّه " __ عادي تصيب أحيان واحياناً تخيب ! كل الخطا لو هي يدينك " رديّه " ! __ يوم الكرام تسابقوا للمواجيب ! سبحان رب الناس " رب البريّه " __ احنا نغيب وذكرنا يرفض نغيب ! |
* ____ ماتصغي ابوابك لصوت الدرايش ؟ _ الشمس تشرق من سماوات صدرك قم غن ، شوف النور ، منك انت عايش ! _ ياسيّد أرض الحب ، والورد عطرك |
| الساعة الآن 04:13 AM |
Powered by vBulletin® Copyright ©2000 - 2025, Jelsoft Enterprises Ltd.