آخر دقيقة
 

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آخر دقيقة عشتها بين عامين=مودعٍ عامٍ ومستقبل ٍ عام
حسب الدقيقة جور تستعرض سنين=بين أكبر الآمال وكبار الآلام
كن السنين مخالفة للقوانين=حسب السنة دفتر وروزنامة أيام
آلامها مستعمراتٍ ميادين=وإلا الأمل مازاد عن كونه احلام !
وحسب الحزن عشت العمر فيه عمرين=حال اليتيم اللي حمل هم الايتام
وحسب الفرح مازارني غير يومين=ويحكم ( غيابياٍ ) سببها بالاعدام
ياذا السنين إن كان باقي لكن دين=ترى الربا مْحرم بتشريع الاسلام
وان كان أخذتيها ملاقاة خصمين=ترجّل الفارس بلا درع وحزام !
العمر ولى وانقضى منه ثلثين=ماعاد باقي شيٍ أرجيه قدام
فيك الشعر / واحطها بين قوسين=( مهما وزنته مايغنى بالانغام )
[/poem]

سكة الغي
 

[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم نلتقي في صمت وتروح واروح=ماقلت لي شيٍّ ولا قلت لك شي
وانته على ذا الصمت تسمع صدى البوح=وتتجاهله كنّك تقول اصبر شوي
واخشى نهاية صبري بْداية جروح=أكبر من إن نْهاية علاجها الكي !!
كان القسا لك فيه غاية ومصلوح=ذللت لك عقلي على سكة الغي
واجيك عشق ٍ _ يرخص القلب _ بجموح=مثل حلال الشايب بدبرة صْبَي
مشاعرٍ تعدّت القلب للروح=تمكنت والامر ماعاد بيْدَي
اصغر حقوقك (( يابعد كل مملوح )) = واكبر طموحي (( كوني بخاطرك حي )) !!
[/poem]

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري من السلطان بيني وبينه=لكن عشنا في بعضنا سلاطين
اثنيننا شعب ٍ سكن في مدينة = حتى ملينا الكون بعيون الاثنين
حتى الزمن يوم اختصرنا سنينه = ماكلفتنا خفقة ٍ بين قلبين
ماقام يرفع لي شراع السفينه = لكن رفة قلب ٍ اهدى من العين
ياذا الجنون اللي عليك السكينه = متفردٍ حتى ب / سلم المجانين
خذني جنون يجنن مفسرينه=جنون مايخضع لقلب الموازين
خذني جنون ٍ صار قبله حنينه=خذني ترى مليت كل الميادين
كل اختصارات اللحون الحزينه= توي عرفت الحب وينه وانا وين
[/poem]

ذنوب المشاعر
 

[poem=font="simplified arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ارخصت له قلبي وذروة غرامه=والشعرة اللي بالشرايين شابت
وعرقٍ نبض له بالغلا واحتدامه=من قلت أ ح ب ك : بالمعاليق نابت
اسرفت له بالحب .. كني غمامة = ظنيتها تمطر بخصب المنابت
يااااخيبتي يوم الحصاد ( الندامة )=بالعشرة اللي ويش ودت وجابت
شحت علي اقول : درب السلامة !!=كني ذنوبٍ للمشاعر .. وتابت !
للصاحب اللي شح حتى بكلامه !!= نية .. من اول صابت .. اليوم خابت !
هب الهوا ( عاصف ) وطيّر لثامه= ومن الهوا يبين معنى الثوابت
أنا ليا جنبت درب الملامة= من الردا بعض العقول استعابت
ان كانها وصلت حدود الكرامة=اعلنتها صرخة (( ترى النفس طابت )
[/poem]

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عرفت ليه الجفا ماحرّك شْعورها = وليه استوى عندها بغْيابي حْضوري
أدوار وأدوار .. لكن دورها دورها= لعبت دوري .. ولكنّ انتهى دوري !
متذبذبة ترجع تغير بدستورها = والمشكلة عندها بالعاشق ( الصوري )
لها علي ( بالغلا ) لا امشي على شورها = ولي عليها تعرْف حدود دستوري
وإن كان دوس الكرامة يشبع غْرورها = أنا اشهد ان الهوى ماهو بمقدوري !
مادامني بالهوى عرفت منظورها = رسالتي ( من يعلمها بمنظوري ؟ )
( مدينة الحب ) لاصار الوفا سورها = يظهر بها فارس الاحلام الاسطوري !
وان كانها بالسياسة زادت قصورها = من السياسة تشرد ( عزت الدوري )
[/poem]

طفل صغير
 

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عذابك اعذب من دلال الغنادير= وعندك خبر .. مع ذلك تدور رضاي
ياكبرك بعيني .. بعد كل تقصير = مني بحقك شلت همي وبلواي
توي دريت اني ببعض المشاوير = مغمض عيوني ولا احسّب إخطاي !
وانك تراعيني مثل طفلٍ صغير = ترعاه عين امه وهو رايح وجاي !
تستاهل آقول انك مْن البشر غير = بك راحتي وبراحتي غيضة اعداي
الله يقدرني على اقل تقدير = لو ماقدرت ارضيك . يرضيك ممشاي
همسة ..! ترفق يتبع الشر للخير = أخشى يزيد الحب ويقطّع أحشاي[/poem]