صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد

الرمل .. قرطاسةٍ صفرا ..
ما عليها اكتابه ..
كود .. أثار القدم .. يوم أنا أطابه ..
الشمس غضبا ..
والهجير .. عقرب السم ..
وانا تحت جلدي ..اتذرٌى به ..
ذيب .. يا ذيب الخلا ..
لاتشرف بالرجوم ..
لين يشربني الظما ..
لين ياكلني السموم ..
والذي قدٌر .. مواقيت الحتوف ..
مير أنا عظمٍ .. كسته عروق
جلدي المحروق .. مايطيق اثيابه ..
لوعشاك السيف .. ماذخرت انصابه ..
ذيب .. ياذيب الخلا ..
لاتختلني .. من ورى جال الشعيب ..
ماخبرت الذيب .. يفرس اذيابه ..
الشمس غضبا ..
والهجير .. عقرب السم ..
والياس جدب .. والأمل غابه ..

ضي عيني ..
يا ضي عيني انت ..
زدني هوى لا هنت ..
وزدني وله لا هنت ..
يا شيب عيني من غيابك..
اسأل علي ..
يا ليتني سورك وبابك..
وتدخل علي
وافرح بعد..
لو كنت.. ضي عيني
يا ضي عيني انت..
البارحه.. جو من سفرغياب
وما خانهم ليل و قمر و احباب
غابوا سنه..
وما كنهم غابوا حبيبي
وانا لي انا..
ينساني وانا جنبه حبيبي ..
يا شيب عيني من غيابك ..
اسال علي ..
يا ليتني سورك وبابك ..
وتدخل علي ..
وافرح بعد..
او كنت ضي عيني
يا ضي عيني انت ..
عاشق ولو قلبك صخر واهواك
ومحتاج مع عمري عمر وانساك
لو هو بيدي..
خذتك ولو تزعل حبيبي..
غصب على الدنيا وعلى الناس..
وحبيبي ..
يا شيب عيني من غيابك..
اسال علي ..
يا ليتني سورك وبابك ..
وتدخل علي ..
وافرح بعد ..
لو كنت ضي عيني ..
يا ضي عيني انت ..

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لادمعة في العين تكفي ولا آه = لا من نوى لك صاحبك بالقطيعه
الله على بعض المحبـين ما اشقاه = يرجي زهــر روضٍ تولى ربيعه
ولا مـن خذا له ساعة قال ابساه = بانسى هوى اللي بـاعني قبل ابيعه
وده يعسر القلب عن غي مشهاه = هيهات ياقلب الخطا لو تطـيعه
الله يجازي الحب مااكبر خـطاياه = شره على اصحاب النفوس الرفيعه
اهـل الوفا واهل الشيم من سواياه = ضاقت بهم دنيا فججها وسيعه
والا الخبيث بمنسم الرجل ناطاه = يوم الغـدر والخبث عنده طبيعه
يالله عسى لي خيرة عقب فرقاه = لوكان فرقا الخل مثل الفجـيعه



[/poem]

ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك

دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن
لكن

يا جاذب القوس ..
قطعت كل العروق .. الا وتر
وكل الجبال .. الا الحجر
وكل الطعوس .. الا الاثر ..
وجرحتني .. جر الربابه
يا فتى الجود ..
وبين السبابه .. والابهام
احبس القلب ثم اطلقه
صوتٍ أحسه واعشقه
هات القصيد من الكلام
والروح .. في صافي النغم ..
ذكرني .. زهر القحويان
في مبسمٍ لو قلت فم
عيا النهار
لاصابعك تلفتت (عليا )
وتنهدت (نوت )
والعشق من كل الرمال اللي مضت
كنك جمعته فـ صوت
ناظرت في حسك .. آثارهم فوق المراح
كن البدو .. اللي شربوا .. ملح وقراح ..
من أول بدايات الصباح..
أسمع حنين ركابهم
قفوا .. وانا فـ اعقابهم
أبكي على خلي .. رحل
لاجل الزمام .. ودق الوشام ..
وخرسٍ محاجرها الظلام ..
رد القصايد للكلام ..
وخل الربابه .. يا فتى الجود ..
في قبرها الملحود
تحت الضلوع .. واخرجنيمن حسك
ود ّ الغريب .. يعود .. يا صاحبي بسك
لا تجذب القوس ..
لو هالدموع نفوس كان فاضت ..‍‍‍‍‍‍

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اقشر العشق عشقٍ ما يبوح = لين يفنا عتب أو يستريح[/poem]