كلت تهتم
وصدكت كل حجي الحجيته وياي
مافكرت بفوارق او مسافات كلت انه وياك نرهم
وصدكت بعيونك من بعيد
وخيطتهن
حرز فوك صدر ال اه
كلت اسويهن لجروح البعد مرهم

الحزن يندل من يدك الباب.
لأن عنوانه الكلب مايوكف ويسأل

طبع البريسم هواك
شما مرت عليه السنين يصير اغله
وانت دجلة
مج لو يشح الماي بيه
و عذب لو يفيض وصار دهلة

متى ياحبيبتي أنام ك الطفل
ملأ جفوني ..؟
ومتى يارفيقة عمري
أصحو فلا أبحث عنك في الزوايا
ولا في حديقة أزهاري
ولا بين سطور قصائدي
لأنك ستكوني بحدقات عيوني

كتلك انت بلسم
ماصدكتني
هم شفت ميت يشفه جرحه بغير بلسم ؟

الفراشات البيضاء
يحرسها ملكان واحد عن اليمين
والاخر في الشمال

ياحبيبة
السموم احمر
هروش روحي تيبست
والورد ذبلان
لانده
لامطر
لانهر يسكيني
وأردن مثل الامس بستان

على ضفة الأناشيد
حدثتكِ عن الغد الحلو
عن الخلخال الذي يضج بالغناء
عن الحقول التي ستمشط ازهار الياسمين
والغيمات التي ستكتحل بها عيون الشمس
وكيف سنرخي لجام احلامنا
تحت الدوالي الحبلى بالخمر
كنت احدثكِ ونسيت
حتى استطال الشيب على صدغ النهار
وتساقط دمع العصافير